فـــاكريني ولا نسيتوني؟؟؟

فـــــــاكريني ولا نسيتونـــــي؟؟؟

كل عــــام وأنتم بخير وعيد أضحى سعيد على كل الأمة الإسلامية وأهــــل بلوجر الأشقـــــاء...

بجد وحشتوني أووووووووووووووووووووووووي عالم التدوين بكل اللي فيه...

لكن للأسف ظروفي حرمتني من حاجات حلوة كتير في حياتي ):

بعيش حياة جديدة غريبة بكل ما فيها... في بلدي وحاسة بالغربة...

أول عيد يمر عليا من غير بابا وماما واخواتي...

كل دا نتيجة لقراري ... لازم أكون قد كلمتي وحلمي واستحمل...

ــــــــــــــــــــــــــــــ

مجرد كلمات متقطعة يمكن متفهمونيش أوي

هحاول انزل بوست قريب بإذن الله

بجد نفسي الاقيكوا فاكرني ومنسيتونيش

لسا بحبكـــــــــــــــــوا في الله

ألقـــــــــاكم

تحيــــــــ سفيرة السعادة ــــاتي(:

بســـومة النعــــومة

بسمة بلا شيماء كالسمكـة بلا مـاء+ نتيجة التنسيق

بسمــة بلا شيمـــاء كالسمكـــة بلا مـــاء
+نتيجة التنسيق

بــابـــا ومـــامـــا حبايبي وأخواتي سافروا من يومين عشان يرجعوا السعودية
وبجد كان من أصعب وأقسى الأيام اللي مرت عليا في حياتي
لإني كنت جزء من كيان واحد متحد
بيحب بعضه وميقدرش يتفكك لكن حصل اللي ربنا قدره...
بكيت لدرجة إني مكنتش حاسة بنفسي
أبكي واسكت وأرجع أبكي تاني
بطريقة هيستيرية....
بابا مرضيش يسلم عليا عشان حبس دموعه ومشي بسرعة
ماما فضلت حضناني أوي
شوشو فضلت تقول خدوها معانا متسيبوهاش
أنا هموت من غيرها
وعياطها كان واصل في العمارة كلها..
بعد ما مشيوا فضلت قاعدة في الشقة لوحدي عشان أحس إنهم لسا معايا
بعد كدا لما حسيت إني خلاص ممكن يغمى عليا ومحدش هيلحقني
أخدت نفسي وعلى تيتة وجدو على طول...
إحساسي بالحزن والألم مش قادرة أوصفه بس هستحمل لإني أنا اللي اخترت كدا
وهرفع راسهم بإذن اللـــــه...
ــــــــــــــــــــــــ
فراقهم كلهم كوم وفراق شيماء (شوشو هانم) كوم تاني لوحده
شيماء دي أختي اللي بعدي على طول
أنا أكبر منها بسنتين
لكن كنا مرتبطين ببعض ارتباط الكل كان بيستغربه وكإننا توأم حقيقي
دايما بيقولوا الإخوات مبيتفقوش ودا فعلا الغالب بين الإخوات
لكن أنا وشيما كان لينا مملكة خاصة بينا
أغلب كلامنا كان بيطلع مننا في نفس الوقت ونفس اللفظ
تفكيرنا تفكير واحد مفيش أي اختلاف مابينا
ودايما كنا بنتحسد على حبنا لبعض...
ـــــــــــــــــــــ
شيماء ياحبيبتي مين اللي هياخدني في حضنه ويطبطب عليا بعدك؟؟؟
مين اللي هيشاركني كل لحظة في حياتي ويحسها زيي وأكتر مني زيك؟؟؟
مين اللي هيشاركني كل لحظة في حياتي ويحسها زيي وأكتر مني زيك؟؟؟
مين اللي هيناكف فيا ويرخم عليا بدمه الخفيف زيك؟؟؟
مين اللي هيشتري معايا الشيبس العائلي والكانز وناكله سوا؟؟؟
مين اللي هتجري عليها في المدرسه كل حصة وحصة وفي الفسحة ولما نروح البيت؟؟؟
مين اللي كل ما ننطق نفس الكلمة يحط صباعه على صباعي ونقول مع يعض آآآآآووووسسس؟؟؟
مين ياشمقمق اللي هيبوز اكسسوراتي وتوكي؟؟؟
مين اللي هينقيلي الطقم اللي هلبسه قبل ما أخرج؟؟؟
مين اللي هيقولي نقابك مزبوط؟؟
مين ومين ومين ومين
خايفة عليكي ياحبيبتي من غيري حاسة انك بنتي الصغيرة اللي كنت بحميها وبحرسها..,
ياحياتي عمر ماحد هيحتل مكانك ولا هيقدر يوصله..
شيماء فاكرة لما قلتلك بسمة بلا شيماء كالسمكة بلا ماء
أنا بجد دلوقتي كدا..
خيالك معايا في كل مكان...
أنـــا متدمرة أوي
زي الطفل اللي فقد أمه...
ربنا يجمعني بيكوا على خير
مشتقالكوا شوق مالوش حد...

ـــــــــــــــــــــــ
آسفة ياجماعة على البوست الطويل بس أنا بفضفض ودا من حقي
عارفه ان في ناس بتطنش ومش بتقرا للآخر بس دا ميهمنيش
المهم اني فضفضت ...
ــــــــ
حبيت أطمن اللي سألوا عني وكانوا عايزين يعرفوا نتيجة التنسيق إيه
أنا الحمد لله اتحقق حلمي ودخلت في جامعة الأزهر دراسات إسلامية شعبة إعلام وصحافة
دعواتكوا ليا ربنا يصبرني ويوفقني ويحميني من كل شر وسوء...

ألقاكم أحبتـــي في اللــــه
تحيــــــ بسومـــــة النعـــــومـــة ـــاتي(: