BLOGGER TEMPLATES AND TWITTER BACKGROUNDS »

بوسي

1/07/2009



**حبيبتي أنا في إنتظارهـــا **



أيتها السمــاء ...أيتها النجوم .. أيها القمر

أراكم جميعاً وأعلم أنها تراكم

أخاطبكم وأعلم أنها تخاطبكم



لأنــــها توأمي ... لأنها روحي ... لأنها جزءٌ منــي



لا أستطيع إخبارها بمدى اشتياقي لها...


ولا حزني في غيابها..


ولا وحدتي في بعدها..


أشعر بنقصٍ من دونها..


اشتــــــــــــــــــــــــــــــــــــــاق



لكلامها..


لبسمتها..


لغضبها..


لآمالها..


لخواطرها..


لدموعها..


لصوتها..


ولمحياها عندما تلقاني....


اشتاق لكــل شــيء فيها..


أخبروها بكل ذلك.. أخبروها بمدى حزني لما هي فيه




أخبروها بأنني أحمل همها قبل أن تحمله أو كما هي تحمله



أخبروها أنني أخاف بعدها عنـــي




ولـــكن.. عرفوهـــا أنني مازلت كما أنا لا يغيب عني الأمل ولا ينقطع..



هل تعلمون عمن أكلمكم؟؟



هي حبيبتي .. هي إيمان المشاعر هي إيمان الأمل هي إيمان بسمه هي إيمان روحي



وروووحي



ألا تعلمون ما بها ؟؟؟؟ .. أيعقل هــذا؟؟!!



كل العالم يعلم كبيرهم وصغيرهم...



كل ذلك .. فقـــط ..




لأنها تمنت ... تمنت الرجوع لأحضان حبيبها ..



لكنهم ... منعوهــا ... حبسوهـــا..



شهرين كاملين بلياليهما شهر فيه ليالــي الرحمة والغفران يتلو نهايته ليــالي العيــد...



لن أحكي لكم مايفعل الناس في العيد فأنتم تعلمون



ولكنها .. هل فرحت مثلهم ... مثل كل الناس..



لا أعلم فما زلت أنا في انتظارها ..



وما زالت هي حـــائرة .. هل سترى الحبيب وترتمي في أحضانه بعد غيـــــابٍ طويل



أم ...... أم ... ستعود أدراجها خائبه؟؟؟



ولكنهاعلمت الآن ... علمت أنها لن ترى الحبيب فهذا ليس من نصيبها



ربما في مرةٍ قادمة ولكن متــى ؟؟



آآآآآآه ما أصعب التفكير في ذلك ..



وعندما قررت العودة ..أوقفوها ...



أخبروها .. أنت محجوزة ليس لك الحق في حريتك ....



لأنها ملكنا نحن فقط...



ولكن مازلت أقـــول أخبروهـــا



أنني انتظرها ...



انتظــــر ابنـــة فلسطــــــــــــين



الوطن الحبيب الغالي الذي منعت منــه...




إهداء مني إلـــى أختي المغتربة ..
*إيمان روحي الهمص*
غــــــزة: رفـح

~~~~~~~

حكاية الخاطرة دي بكل اختصار ومن غير تنميق ولا مبالغه عشان مش عايزة أطول عليكم

كنا في الصف الأول الثانوي ولما انتهت السنه الدراسيه طبعا بعدها الأجازة

معنى كدا ان كل واحد هيروح بلده

طبعا احنا روحنا مصر

وايمان صحبتي حبيبتي أهلها قرروا انهم يروحوا فلسطين بعد( 5) سنين كانوا مراحوش فيها فلسطين

المهم بعد سفر طويل مدته 3 أيام وصلوا العريش

اللي هيا طبعا معروفه بوجود معبر رفح فيها

كنا بنتابع بعض بالتليفونات ونسأل على بعض ونتطمن

المهم هما فضلوا مستنيين المعبر يفتح

ويوم ورا يوم واسبوع ورا اسبوع وشهر ورا شهر

كانت الاجازة خلصت وكل واحد رجع منها لمصالحه

وبدأ العام الدراسي الجديد اللي هو (تاني ثانوي)

وثم رحنا هناك عندهم واكلو الجيران بتاع صلو في المسجد في الطريق كانو هيصدمو نعسو كانو هيموتو من النعس*

بقيت لوحدي من غير ايمان
ماشيه في المدرسه وحاسه اني تايهه

كل حته في المدرسه بتفكرني بيها

وبقيت اعيط واعيط واعيط واعيط

ههههههههههه

(المدرسه غرقت على كدا)

المهم بقيت اتصل عليها وبقت تشجعني وتقولي

شدي حيلك لازم تفضلي المرتبه الاولى دايما متخليش الظروف تأثر فيكي

(أصل أنا عاطفيه جدا وحساسة بعيط بسبب ومن غير سبب
دموعي مستعدة على طووول تأدي الواجب اللي عليها)

وفعلا كنت شادة حيلي خالص لحد ما اتقطع

وانا عشان ايمان مترجعش وتشيل هم الدفاتر وكدا

اقترحت على البنات ان كل وحدة فينا تشتري دفتر
وتمسك مادة معينه وتكتبلها كل درس بدرسه

وانا اهتميت بباقي الدفاتر والكتب كلها ماهي صحبتي اعمل ايه لازم استحمل

ومرة من المرات اتصلت عليها قالتلي بسمه انا خلاص مش هرجع تاني وهكمل دراستي في فلسطين

طبعا انا اتصدمت وبلمت وعينيا دمعت

المهم ساعتها فقدت الأمل وبطلت اكتبلها في الدفاتر وبقت حالتي لا يرثى لها

وبقيت ادعي في كل وقت ان ربنا يرجعهالي

وفيوم الجمعه الموافق مش عارفه كام بالزبط بس كان شهر 11
سنة 2007

كنت قاعدة كدا قبل المغرب وكان معنديش رصيد في الموبايل وقلت لبابا يشتريلي

رد عليا بــ لأ

قلت اذكار المساء وفضلت ادعي ان ايمان ترجع وبابا يشتريلي كرت شحن

وسبحان الله خلصت الدعوة واتحديت بابا انه هيشتريلي

وفجأة سمعت صوت الباب بيخبط

مين مين

انا منيرة افتحي يابسمه

انا اتخضيت منيرة مين دي

فتحتلها الباب ودخلت وفضلت واقفه

وهي طبعا لابسه الغشوة
(زي النقاب بس ملهاش فتحه للعين)

انا خفت منها جدا وقررت ارفع الغشوة من على وشها

خفت لتكون راجل وبيستهبل

المهم نتشت الغشوة لقيتها

إيمااااااااااااااااااااااااااااااااااان

بسمـــــــــــــــــــــــــــــــه
وحضنا بعض بحرارة وعيطنا جامد أوي
وصوتنا وصل لآخر الشارع

وحشتيني انا مش مصدقه انك قدامي

انا كنت فقدت الأمل

مع اني لسا بدعي ربنا الحمد لله استجابلي دعائي

بسمه اشتقتلك كتييييير ياه والله يابسمه كانت معجزة شو أخبارك

الحمد لله المهم انتوا جيتوا امتى

ادخلي ادخلي نكمل كلام جوا

واحنا قعدين فجأة تي تيت تي تيت


نغمة مسج مسكت موبايلي فتحت المسج :تم تحويل رصيد من رقم ...


ياااااااااااااه الحمد لله تاني دعوة ربنا استجبهالي


ههههه انا اللي فزت في التحدي ياسي بابا


بقى معايا إيمان والرصيد

.....


أنا كنت كتبت الخاطرة دي بعد مرور شهرين بس من غيابهم

لكن هما فضلوا عالقين على المعبر مدة خمس شهور

وعانوا

عاشوا الأول في مخيمات وبعدين نقلوهم على شاليهات

ومغامرة طويله عريضه

مش عايزة اطول عليكوا هههه
قال بقولكوا اختصار قال
اومال لو مكنش باختصار كان هيبقى قد ايه

بس انا حبيت اكتب الموضوع دا
لانه يمس جانب الموضوع بتاع المعبر اللي حكايته حكايه


ملاحظه: اللي مكتوب بالأخضر كلام مش مفهوم اصل انا اتشغلت وقمت من عند الكمبيوتر عشان شغلانه كدا ورجعت لقيت شوشو هانم كاتبه الجمله دي وحلفتني بالله اسيبها وممسحاش اعمل ايه بئا حكم القوي عالضعيف


~~~~~~


ألقــــــاكم...


















19 التعليقات:

فارس بلا جواد يقول...

اول تعليق

بسمه فينك ايه الغيبه الطويله دى

قلقتينا عليكى بجد

كلامك مؤثر جدا ورائع اجمل شى فى

الدنيا انك تلاقى صاحب تحبه بجد وتخاف

عليه .

تقبلى ودى

ووعى تغيبى عننا تانى

zainab elmosalamy يقول...

حبيبتى بوسى
ربنا يخليكم لبعض انتى وايمان مايحرمكوش من بعض
كفايه عليكى كده

أما بالنسبه لحبيبتى إيمان
سلمى عليها كتير قوى و قولى لها ان هى وحشانى جدا و انى نفسى أقعد اتكلم معاها براحتى هحلفك بالله يا بوسى تجبيها عندك فى البيت و تخليها تقرأ كلامى ده وأنا هنا بقولها انى بحبها فى الله
ماشى يا بوسى

وسلمى على البت شوشو اللى قاعدة تلخبط فى الكلام

تحياتى

فارس القمر يقول...

السلام عليكم

ربنا مايحرمكم من بعض ويخليكم لبعض

هى دى الصداقه والاخوة الصح

ربنا يديم بينكم المحبه

انتى مبدعه بابسمه بكلماتك الجميله

دمتى مبدعه

تحياتى لك

marmar يقول...

يااااااااه كل ده بوست
قمة الرغي بجد
اعمل ايه في لسانك الي بيرغي ده وبيصدعنا قصدي بيمتعنا بحوادتيه
ربنا يارب ما يحرمكوا من بعض
ويديم صداقتكم طول العمر لحد ما تخللوا سوى وتبقوا في برطمانات
هع هع هع هع هعععع

marmar يقول...
أزال المؤلف هذا التعليق.
marmar يقول...
أزال المؤلف هذا التعليق.
marmar يقول...
أزال المؤلف هذا التعليق.
marmar يقول...
أزال المؤلف هذا التعليق.
*shosho* يقول...

اللي غايزني وفارسني انها بتقول ايه
(بقيت لوحدي من غير ايمان ماشيه في المدرسه وحاسه اني تايهه)
ليه يعني هو انا روحت فين ما انا معاكي في المدرسه طول النهار لزقالك اول ماتيجي الفسحه اطلع اجري اروحلها
بس هي متستهلش
قال تايهه قال
عيله تفرس
*********
متتقبليش مروري
ومادمتيش بود
*********
مش تحياتي..

khaled يقول...

السلام عليكم
أخبارك إية يا بسمة .. أتمنى تكونى بخير .. الخواطر رائعة فهى من القلب فلذاماً عليها أن تصل للقلب ..
وربنا يشرح صدرك .. وإيمان كذلك ... لكِ كل التقدير

romansy يقول...

اولا البوست كبير قوى
بس الحمد لهه انى قدرت اخلصه
واعرف حكاياتك مع ايمان صديقتك
الكلام جميل والمشاعر وصلت حتى لينا
وعلى فكره الكلام اللى بالاخضر انا فهمته وكويس اللى انتى سبتيه

كاتب مصري يقول...

الحمد لله انها رجعت وقلبك فرح كنت هزعل جدا لو النهاية كانت بائسة معدش في حاجة تفرح في الدنيا دي
ربنا ينصر أهل غزة ويحرر أرض فلسطين الغالية وصاحبتك ترجع بلدها معززة مكرمة بدل المرمطة دي وتفضلو اصحاب دايما
مودتي لك سيدتي

كيــــــــــــارا يقول...

بسبس جميله اوي اوي بجد

بس البوست طويل اوي لكن كنت مستمتعه اوي اني بقرب من بسموتي

حاجــ عيال ــات يقول...

السلام عليكم
ازيك يابوسي
ربنا يخليلك كل صحباتك الي بتحبيهم يارب
وادعيلي يابوسي كتير

daktara يقول...

شارك في حملة الطرطرة علي اسرائيل
من هنا
www.daktara.blogspot.com

بـسـمـــة صـــــلاح يقول...

فارس بلا جواد :

لا والله ابدا بس الامتحانات وكدا شغلتني ومبلحقش اعمل حاجه والله
لا ازور مدونات ولا حتى ارد على التعليقات
اسعدتني بمرورك
^_^
~~~~~~

zainab elmosalamy :
امين يارب
ويخلينا انا وانت كمان لبعض وميحرمناش من بعض ابدا

وايمان بتسلم عليكي اوي وهي بتحبك في الله
انا اتصلت عليها وقرأتلها الكلام عشان خاطرك
انا اقدر اردلك طلب


بس متقوليليش كفايه عليكي وتقعدي ترغي مع ايمان هانم
انا غيوووورة وممكن اقتلك ههههه

ضلميني دايما اصدي نوريني (:
~~~~~~~
فارس القمر :

وعليكم السلام ورحمة الله وبركاته
يسمع منك ربنا


ربنا يكرمك دا من ذوقك
*_*
~~~~~~~
marmar :

يااااااااه قمة الغلاسه بجد
هههههه
انا كم مرة يابت حزرتك مني
انا الذئبـــه الكبننــه
انت شكلك مبتخافيش على دمك
وبعدين يافالحه في حد يدحك كدا هع هع هع
الدحك كدا خخخخخخخخ
خليكي فافي
ههههههه

وبعدين انا وايمان مش مخلل
هههههههههه
~~~~~~~~~~
*shosho* :

شوشو ياحبيبتي انت الكل في الكل
من غيرك مسواش حاجه
~~~~~~
khaled :

وعليكم السلام ورحمة الله وبركاته
الحمد لله بخير
ازا مكناش نكتب اللي بنحس بيه اكيد هيكون مصطنع

شكرا جزيلا على الدعوة الجميلة دي ربنا يكرمك

ويشرح صدرك وصدر كل المدونين
امين
~~~~~~~~~

romansy :
معلش طولت عليكو بس
كان لازم اكتبه كله

بس ايه اللي فهمته دي اختي كانت بتعك
هههههه

ابقى شرفني دايما (:
~~~~~~~~~
كاتب مصري :
اللهم اميــــن
جزاك الله خيرا على دعوتك
شرفتني :)
~~~~~~~~

كيــــــــــــارا :
ياحبيبتي ياكيارا
والله انتي اللي جميله
وميرسي انك استحملتيني

ابئا تعاليلي دايما ونوريني بطلتك البهيه
والله بفرح لما بلاقي تعليق منك
~~~~~~~~
حاجــ عيال ــات :
وعليكم السلام ورحمة الله وبركاته

امين يارب
وانا هعدعيلك كتير ياحبيبتي ان شاء الله
بس لو مجيتيش عندي تاني مش هدعيلك
ههههههه بهزر

نورتيني وكترتيني
~~~~~~~~
daktara :
شكرا على المرور
~~~~~~~~~~~~~~~~~~~~~~
بعتزر ياجماعه اني اتأخرت في الرد عليكوا بس والله غصب عني معنديش مجال ووقت اني ارد او حتى اهتم بالمدونه زيكوا
اصل انا ثانويه عامه وامتحاناتي قربت
يعني كمان في غياب تاني
وابقوا ادعولي
شكرا ليكوا كلكوا
بحبكوا في الله

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الصغيرة بسمة
تحياتى
الصداقه من اجمل وانبل (واحمد وماما وبابا وعمو حسين وكل العيلة)المشاعر الانسانيه ومن اندرها ايضا والا ماكنش اتقال ان الخل الوفى من المستحيلات
وعلى رأى الامام الشافعى:
إذا لم يكن صفو الوداد طبيعة
فلا خير في ود يجيء تكلفا
ولا خير في خل يخون خليله
ويلقاه من بعد المودة بالجفا
ربنا يخليكم لبعض ويديم بينكم الود والحب فى الله وينجحكم ان شاء الله
تقبلى مرورى ودمتى بكل ود
والسلام عليكم ورحمة الله وبركاته

بـسـمـــة صـــــلاح يقول...

المعتصم :


وعليكم السلام ورحمة الله وبركاته

الصداقه من اجمل وانبل (واحمد وماما وبابا وعمو حسين وكل العيلة)
ههههههههههههههههههههههههههههه
حلوة

حلوين اوي البيتين اللي كتبتهم دول

بشكرك على مرورك وعلى الدعوة الجميلة
ربنا يسعدك
~~~~~~~~

@عاشقة القمر@ يقول...

أخبروها بكل ذلك.. أخبروها بمدى حزني لما هي فيه






أخبروها بأنني أحمل همها قبل أن تحمله أو كما هي تحمله




أخبروها أنني أخاف بعدها عنـــي






ولـــكن.. عرفوهـــا أنني مازلت كما أنا لا يغيب عني الأمل ولا ينقطع..




هل تعلمون عمن أكلمكم؟؟




هي حبيبتي .. هي إيمان المشاعر هي إيمان الأمل هي إيمان بسمه هي إيمان روحي


يسلمو حبيبتي سومه
انتي عارفه قديش كنت مشتاقالك كنت بموت بكل لحظه هي ايام وعدت الحمدالله عكل شي المهم اني رجعت كنت خايفه كتييييييييير اني ماارجع بس الحمدالله
متل مانتي كنتي خايفه انا كنت مرررعوبه خفت مااشوفك تاني انحرم من توامي بس الحمدالله انو القدر كتبلي شوفك ويااااااااارب يضلو كاتب النا مانفترق حتي بالجامعه
سومه تعليقي متاخر بس انتي عارفه شو اللي شاغلني عن مدونتك بس انتي دااااااااايما معي
يسلمووووووووو حبيبتي زوزو علي طيبتك ربنا يخليك لغواليكي
ومالك ياشوشو انتي معزتك من معوة سومه ولاتنغاظي ولاشي انتي اخت بسمهمن دمها اما انا اختها الروحيه يعني بختصار مكملين بعض
يارب مانفترق دوم
@@E@@@