BLOGGER TEMPLATES AND TWITTER BACKGROUNDS »

بوسي

8/24/2009

عـــااااايزة أرجـــع السعــوديييييية


عـــــايزة أرجـــع السعــوديييييييييية





ــــــــــــــــــــــــــــــــــــــــ



كــــــل عام وأنتـــم بخير



رمضـــــــان كريم



ربنا يتقبل منا منكم صالح الأعمال






أنا متأسفه لإنها جت متأخره قوي



بس والله ربنا عالم بظروفي الواحد بيجي مصر مبيبقاش فاضي خالص



طبعا دا أول رمضــان ليا في مصر وانا واعية



لاني اخر مرة كنت فيها هنا في رمضان كان عندي 4 سنين أو 5 سنين



جو مصر غير السعودية خالص مالص



هنا في فوانيس والشوراع مزينه وفي مسحراتي وأهم حاجه لمة العيلة على سفرة واحده






بس للأسف لقيت نفسي مع دا كلـــه مشتاقة للسعودية ونفسي ارجعلها



حاولت اكّدب نفسي واحساسي بس مقدرتش



بجد وحشاني السعودية وكل حاجه فيها واصحابي اكتر حاجه واحشني فيها



مفتقده الجو الروحاني وصلاة التراويح في الجامع



اللي مش بقدر اصليها هنا غير لوحدي في البيت






كمان هناك كنت بقدر اتواصل معاكوا عن طريق النت



وهنا مش بقدر اقعد دقيقتين على بعض غير بالعافيه



لدرجة انكوا نسيتوني ومحدش بقى بيسأل عني خالص



ودي حاجه بجد وجعتني جدا






لكن ان شاء الله هحاول ارجع لمدونتي تاني



لإني مفتقداها أوي وانتوا وحشتوني جدا جدا






ادعولي نتيجة التنسيق تظهر زي ما انا عايزاها لإنها لسا مظهرتش






وكــــــــل رمضــــــان وانتـــــوا طيبين



ألقــــــاكم أحبتي في اللــــه
تحيــــــــ بســــــــــــومـــة ــــاتي(:






20 التعليقات:

كيــــــــــــارا يقول...

كل سنة وانتي طيبه ياقمر

وزهقتي من مصر ولا ايه ؟؟

بـــــسمة انـــــــــور يقول...

بسمتى
عاااااااااااااااااا

ترجعى السعوديه ليه يا خاينة
احنا مش اتفقنا هتفضلى فى مصر معايا
ولا مش عيزانا نتقابل

وبعدين يعنى وماله يعنى مفيش نت فى داهيه يا حبيبتى وشويه ولما امورك تستقر فى مصر موضوع النت هيتزبط كمان

ده انا اللى هموت وارجع مصر اوووووووى
انتى ايه يابنتى ياااااااااارب متسافريش السعوديه دى تانى ابداااااااا
ياااااااااااااااااااااااارب كليتك تيجى انتظام ومتعرفيش ترجعى السعوديه ابدااااااااااااااا

ঔღঔ نـــوارة ঔღঔ يقول...

كل سنة وانتي طيبة ياقمر

ومعقوول زهقتي من مصر بالسرعة دي

اول مرة اسمع حد بيفضل السعودية بعرف انه فيها تحكومات مش طبيعية

شوية ياحبيبتي وهتتأقلمي ^ـ*

ربنا يوفقك ويسعدك

دمتي بحفظ الرحمن

mohamed ghalia يقول...

كل سنة وانتى طيبة يابسمة
على فكرة الجو هنا رائع بجد
يمكن شوية على متتعرفى على المساجد حواليكى وهترتاحى فى مسجد فيهم

عاشقة الأحزان يقول...

السلام عليكم

حبيبتى هونى على نفسك متزعليش منى انا عارفه انى مقصرة معاكى خالص
رمضان كريم

وان شالله ربنا يكرمك وتحققى كل اللى نفسك فيه حبيبتى متزعليش


عشان خاطرى متزعليش بقا ماشى

تعرفى بجد حاسه بيكى قووى لما تكونى اتعودتى على شىء وفجآة تلاقيه اختلف بيكون احساس صعب بس لاذم تتعودى حبيبتى لان ده الواقع
ربنا معاكى ويكرمك خير
بدعليك من كل قلبى

مودتى
ايناس

د. ياسر عمر عبد الفتاح يقول...

الإنسان بطبيعته بيكره التغيير
وكل الناس اللي أعرفها واكنوا جايين من بره كانوا نفسهم يرجعوا تاني
لكن بعد كده الأمور بتستقر بيهم وبيعرفوا يعيشوا حياتهم وبيبقوا مبسوطين أوي في مصر

حمد الله علي السلامة
وربنا يوفقك وييسرلك أمورك
وأسف علي التقصير

الشاعر الحزين يقول...

بالرغم من انى أساسا مش بدخل النت فى رمضان

الا انى سبحان الله حسيت ان المدونات وحشتنى قوى قولت أبص بصه وأطمن على ناس معينين وطبعا أنتى أولهم

لكن عندى تعقيب صغير

عدم سؤالنا عيك فى فتره غيابك مش احنا السبب فيه

أنتى السبب فيه لأن أنتى عملتى زى شهر رمضان بالظبط نورتينا ببوستاتك وفرحتينا بجديدك وعودتينا على حضورك وفى الأخر اختفيتى فجأه مش قادرين ننساكى وبرده مش قادرين نقولك أنتى فين عشان عارفين ظروفك

يعنى احنا اللى محتارين

عموما كل سنه وأنتى بألف خير وسعاده وصحه وهنا وفرح

ويارب تحققى كل أحلامك

ويارب يتمم عليكى رمضان بالمغفره والعتق من النار

دمتى فى حفظ الله

ranim يقول...

كده يا بسمة عاوزه تسفريييييييي هي مصرمش هجباكي ولا ايه ؟؟؟؟؟؟؟ ههههههه بس لو فعلا نفسك ترجعي السعودية يبقي يالاب ترجعي السعودية بس أنا كان نفسي تقعدي هنااااا في رمضان علشان زي ما أنتي قالتي دي أول مرة تقريبا وأكيدهيعجبك لما تتعودي علي الجوووو يا بسوممممممم

اسلام الشربينى يقول...

32 مليون و500 الف و 200 كل سنة وانتى طيبة يا بسمة
اعزرينى والله عشان مش بدخل على مدونتك كتييييير بس كان فى ظروف بقى ومشغول والله وكنت مستنى نتيجة الثانوية بس الحمد لله دخلت حقوق :D

ربنا معاكى ويتقبل منك صالح الاعمال

تقبلى مرورى

اخوكى فى الله اسلام الشربينى

ستيته حسب الله الحمش يقول...

الست بسمة هانم البسومة
كل سنة وانت طيبة ياقمر

نعم نعم نعم نعم
مش عاجبك مصر
طيب عادي بتحصل في احسن العائلات

لكن عاوزة ترجعي السعودية
هاتوا البنت اكشف عليها
طيب أرقيها ياناس
لألألألأ يا دكتور
ما تديهاش شهادة معاملة اطفال

سامحوها دي متقصدش

المساجد حلوة وفيها حياة بس انت اللي لسه معرفتيهاش

واللمة والزينة والبهجة ورمضان اللي هو رمضان فعلا مش موجود الا عندنا

اما عن الصحاب فياما ها تكتسبي لسه صحاب متعرفيش تعديهم على صوابعينك

اقعدي يا بنت
مش ها نديكي فيزا تاني
انت جيتي نورتي حدانا وبكرة لما تتأقلمي ها تضحكي وها تقولي طنط ستاتيتو قالت لي

شمس النهار يقول...

ازيك
كل سنه وانت طيبه

هو الموضوع انك هنا في الاجازه مابتبقيش مستقره خروج علي طول وناس ودوشه وتغيير في نظام اليوم كله

الاوضه اللي متعوده تنامي فيها متغيره اماكن الحاجه متغيره

لكن هناك الاستقرار بالنسبه لك كل حاجه رتيبه وهي دي حياتك اللي اتعودتي عليها
وخصوصا رمضان علشان له طبيعه خاصه الانسان بيحب يكن فيه علشان يؤدي العبادات صح

كله هيبقا تمام ان شاء الله

قطـــقوطـــه يقول...

بسمتي الندله
عايزه ترجعي السعوديه يا بت
احنا مش اتفقنا نعد في القاهره انا وانتي
واتفقنا اننا ****************
خليها في سرك بقى
هههههههههههههههههههه
يعني انتي مش قد اتفاقك
وحشاني موت يا دزمه
تقبلي مروري وشتايمي
هههههههههههه

شباك موارب/منار يقول...

ايه يابسوم مين بس اللي قال ان ماحدش بيسال عنك؟؟؟
انتي والله في بالي بس معلش الظروف انتي رحتي مصر وانا رحت السعوديه
بس بجد السعوديه ظلمت من غيرك
حاولي تتواصلي مع اصحابك في السعوديه
ربنا يكرمكم وتتجمعوا يارب
وان شاء الله تجيلك الكليه اللي في نفسك ان شاء الله
انتي تستاهلي كل خير

وكل سنه وانتي طيبه يااحلى بسومه

very sad يقول...

السلام عليكم

كل سنة وأنتي طيبة

رمضان كريم

على فكرة أنتي كده مش عندك حق

حرااام عليكي

عايزة ترجعي السعودية ليه

خدنا منها أيه

دنا مبكونش حاسه بالأيام

حتى العيد والله بحس أنه يوم عادي

دي وحشة أووي

يلا مش مهم هعمل أيه

مدونتك جميلة جداا

أتمنى لك كل التقدم والنجاح

دمتي بكل محبة

تقبلي مروري

dark angel

الست فرويد يقول...

بسومة

كل سنة وانت طيبة

خليكى منورة مصر

:)

مع خالص مودتى

very sad يقول...

السلام عليكم

أزيك بسمة يا عسولة

بقولك أيه إبقى أدخلي مدونتي

علشان رديت على أسئلتك يا قمر

ولو عايزة أي حاجة أتفضلي

أوكي .

دمت بكل الأمل

Sharm يقول...

ايمان الانسان في قلبه

أم مالك يقول...

اخيرا يابسومة عرفت اوصلك
والله يابسمة كام مرة ادخل ومعرفش
اعلق اواكتب لك اى حاجة
يمكن شكل المدونة لخبطنى شوية
وخالتك اصلا جهلة فى التعامل مع الكمبيوتر
غير اللى هى حفظة
المهم يابسمة مانقدرش ننساكى وانا بالذات مقدرش حتى ادخلى عندى وشوفى بوست اسمه تسموه ايه جبت سيرتك فيه
وبالنسبة لرجوعك السعودية انا بزعل قوى
منكم ياولاد
عندى ولاد اخويا برضه بكون حتجن عليهم
وبعدين اللقاء وكام زيارة الاقى العيال
بيقولوا امتى نرجع
والسنة اللى فاتت كان اول رمضان
بقضوه معنا من ساعة ماسافروا
وبرضه كانوا عاملين زيك
ليه بس كده بالنسبة لصحابك النت مخلاش حاجة بعيدة
والروحنيات والمساجد مصر الخير كله
ده حتى لجين لسة جاية ونفسها
ترجع تانى
انا عاوزاة اقول ان ده ضريبة الغربة
اقصد ذلك الاضطراب فى المشاعر
ربنا يثبتك يابسمة
وانا حبقى اكتب للك ايميلى لوحبيتى
تكلمينى عليه
ياه كل ده تعليق علشان تعرفى
انتى وحشانى اد ايه
ده انتى اللى نسيتى خالتو ام مالك

بنجاواتى يقول...

سلام عليكم

كل سنة وانتم طيبين
ويارب تكونوا بخير

ده سلام ع السريع كده معلش بقى


كل سنة وانت بخير

fL0weR-giRL يقول...

السلام عليكم
*************

بسومه كل سنه وانتي طيبه ياعسل

ازاي بس والله دايما علي البال والله علي مااقول شهيد

حتي انا كمان عندي النت فصل لمده شهر ولسه جاي دلوقتي حالا

السعوديه خطيره ومتقدريش تنسيها ولاتنسي الهدوء والجمال اللي فيها

ربنا يحقق ليكي كل ماتتمني

وتدخلي الكليه اللي انتي عيزاها

اول ماتزهر نتيجه التنسيق قوليلنا طمنينا عليكي ياعسل وسلميلي علي شوشو

^_^