BLOGGER TEMPLATES AND TWITTER BACKGROUNDS »

بوسي

9/28/2009

بسمة بلا شيماء كالسمكـة بلا مـاء+ نتيجة التنسيق

بسمــة بلا شيمـــاء كالسمكـــة بلا مـــاء
+نتيجة التنسيق

بــابـــا ومـــامـــا حبايبي وأخواتي سافروا من يومين عشان يرجعوا السعودية
وبجد كان من أصعب وأقسى الأيام اللي مرت عليا في حياتي
لإني كنت جزء من كيان واحد متحد
بيحب بعضه وميقدرش يتفكك لكن حصل اللي ربنا قدره...
بكيت لدرجة إني مكنتش حاسة بنفسي
أبكي واسكت وأرجع أبكي تاني
بطريقة هيستيرية....
بابا مرضيش يسلم عليا عشان حبس دموعه ومشي بسرعة
ماما فضلت حضناني أوي
شوشو فضلت تقول خدوها معانا متسيبوهاش
أنا هموت من غيرها
وعياطها كان واصل في العمارة كلها..
بعد ما مشيوا فضلت قاعدة في الشقة لوحدي عشان أحس إنهم لسا معايا
بعد كدا لما حسيت إني خلاص ممكن يغمى عليا ومحدش هيلحقني
أخدت نفسي وعلى تيتة وجدو على طول...
إحساسي بالحزن والألم مش قادرة أوصفه بس هستحمل لإني أنا اللي اخترت كدا
وهرفع راسهم بإذن اللـــــه...

ــــــــــــــــــــــــ
فراقهم كلهم كوم وفراق شيماء (شوشو هانم) كوم تاني لوحده
شيماء دي أختي اللي بعدي على طول
أنا أكبر منها بسنتين
لكن كنا مرتبطين ببعض ارتباط الكل كان بيستغربه وكإننا توأم حقيقي
دايما بيقولوا الإخوات مبيتفقوش ودا فعلا الغالب بين الإخوات
لكن أنا وشيما كان لينا مملكة خاصة بينا
أغلب كلامنا كان بيطلع مننا في نفس الوقت ونفس اللفظ
تفكيرنا تفكير واحد مفيش أي اختلاف مابينا
ودايما كنا بنتحسد على حبنا لبعض...

ـــــــــــــــــــــ
شيماء ياحبيبتي مين اللي هياخدني في حضنه ويطبطب عليا بعدك؟؟؟
مين اللي هيشاركني كل لحظة في حياتي ويحسها زيي وأكتر مني زيك؟؟؟
مين اللي هيشاركني كل لحظة في حياتي ويحسها زيي وأكتر مني زيك؟؟؟
مين اللي هيناكف فيا ويرخم عليا بدمه الخفيف زيك؟؟؟
مين اللي هيشتري معايا الشيبس العائلي والكانز وناكله سوا؟؟؟
مين اللي هتجري عليها في المدرسه كل حصة وحصة وفي الفسحة ولما نروح البيت؟؟؟
مين اللي كل ما ننطق نفس الكلمة يحط صباعه على صباعي ونقول مع يعض آآآآآووووسسس؟؟؟
مين ياشمقمق اللي هيبوز اكسسوراتي وتوكي؟؟؟
مين اللي هينقيلي الطقم اللي هلبسه قبل ما أخرج؟؟؟
مين اللي هيقولي نقابك مزبوط؟؟
مين ومين ومين ومين
خايفة عليكي ياحبيبتي من غيري حاسة انك بنتي الصغيرة اللي كنت بحميها وبحرسها..,
ياحياتي عمر ماحد هيحتل مكانك ولا هيقدر يوصله..
شيماء فاكرة لما قلتلك بسمة بلا شيماء كالسمكة بلا ماء
أنا بجد دلوقتي كدا..
خيالك معايا في كل مكان...

أنـــا متدمرة أوي
زي الطفل اللي فقد أمه...
ربنا يجمعني بيكوا على خير
مشتقالكوا شوق مالوش حد...

ـــــــــــــــــــــــ
آسفة ياجماعة على البوست الطويل بس أنا بفضفض ودا من حقي
عارفه ان في ناس بتطنش ومش بتقرا للآخر بس دا ميهمنيش
المهم اني فضفضت ...
ــــــــ
حبيت أطمن اللي سألوا عني وكانوا عايزين يعرفوا نتيجة التنسيق إيه
أنا الحمد لله اتحقق حلمي ودخلت في جامعة الأزهر دراسات إسلامية شعبة إعلام وصحافة
دعواتكوا ليا ربنا يصبرني ويوفقني ويحميني من كل شر وسوء...


ألقاكم أحبتـــي في اللــــه
تحيــــــ بسومـــــة النعـــــومـــة ـــاتي(:

34 التعليقات:

(Joudy) يقول...

ربنا معاكى يا بسمة يارب ويسعدك ويحقق كل أحلامك ويجمعك بيهم فى أقرب وقت ويخليلك شوشو ولا يحرمك منها أبدا وترجعوا لبعض بالسلامة وأحلى كلمة لأحلى بنوته

بـــحــــبــــك

(Joudy)

المعتصم يقول...

طب وانا ذنبى ايه
انا ناقص زعل ونكد
لما بتنكدى عليا بحكاياتك انتِ وشوشو
حرام عليكى
وكمان دخلتى جامعة الازهر
حرااااااااااااام عليكى
هو فيه حد عاقل يدخل جامعة الازهر بمزاجه
يابنتى انتِ شكلك كده عبيطه
ده انا اللى ضيع مستقبلى انى خريج جامعة الازهر
واللى ودانى فى داهيه انى خريج جامعة الازهر
واللى خرب بيتى انى خريج جامعة الازهر
وحسبى الله ونعم الوكيل فى جامعة الازهر
كنت كل اما اروح شغل واتقدم واعمل الانتر فيو يبصولى كده باشمئناط وقرف زى مااكون واحد داخل يشحت منهم ويقولولى انت خريج جامعة الازهر اقول اه يقولولى اسفين مش بنشغل الازهريه عندنا
ده حصل فى كذا شركه وحصل فى كذا بنك
وحسبى الله ونعم الوكيل
وربنا يجمع شملكم انتِ وشوشو وكل العيلة تانى يارب ومايحرمكوش من بعض ابدا
ســـــــــــلام

شوكولاتة يقول...

ربنا يجمعك بيهم على خير يارب ومايحرمكيش منهم أبدا
ومبروك عليكي الكلية وربنا يوفقك فيها ياجميل ويسعد أيامك

أسعدتني جدا زيارة مدونتك

غير معرف يقول...

اه يابسمة
على قد لهفتى انى اعرف نتيجة التنسيق
على اد عياطى وانا بنقرا البوست
حاسة بيكى جدا يابسمة
اصل احنا مرنا بالموقف ده واكثر يوم
سفر لجين بنتى
والله فى المطار ورغم ان فيه ناس كثير كانت بتودع بعض الا ان الكل كان
بيتفرج علينا من اللى اجنا عاملينه
اكيد يابسمة اكثر واحدة متاثرة مامتك
واسالينى ايه
انا طوال فترة سفر لجين وانا بكيث
اللى لم ابكيه فى عمرى كله
واهى جت ومسافرة تانى ومش قادرة افرح
قوى بوجودها من قلقى على لحظة سفرها
عارفة يابسمة انا تاثرت لما تزوجت
لكن سفرها حاجة تانية
وكل ده كوم وهى واختها كوم تانى
ديه قصة تانية لانهم لم يفترقوا ابدا عن بعض
المهم خدى بالك من نفسك يابسمة
ومبروك عليكى الكلية
وده ايميلى يابسمة عاوزاكى تكلمينى
عليه وبراحتك خالص واعتبرينى خالتو فعلا
واى حاجة اى حاجة كلمينى فيها
تحياتى
ommalek2009@gmail.com

الازهرى يقول...

باذن الله ربنا يصبرك على فراقها ويجعل لقياكم عن قريب
وترجعوا لبعض بالف سلامه

اما عن التنسيق فمرحب بيكى فى الجامعه
للأسف انت جيتى وانا ماشى منها مؤقتا
بس راجع ان شاء الله دراسات عليا عن قريب

وكمان لاش تسمعى كلام المعتصم هو اكيد بيضحك
والدليل عىل كده ان وانا فى تدريب الشركات كان تقريبا معظمها لازم الاقى فى قياداتها ازهريين وكمان بالاقى مهندسين كتير خريجى الأزهر
ربان يعينك فى الدراسه وتنجحى احسن نجاح
ولو فى اى حاجه فى الجامعه بلغينى وباذن الله اقدر اقف معاكى صحيح انا طلعت لكن ى حبايب بفضل الله كتير

ايمان روحي يقول...

وحشتيني اوي
مش عارفه اقول ايه بس.....
اكيد ياسومه هتجتمعو تاني
سومه خليكي قويه حبيبتي
بجد بجد مش عارفه اقول اي حاجه
حاسه انو الكلام خلص
بس شيماء هتكون في عيوني
متنسيش انها اختي الصغننه
بحبكو اوي
ربنا ميحرمكوش من بعض وميحرمنيش منكو
كفايه لحد كده بجد
خلاااص مش قادره
سومه خلي بالك من نفسك
وحشتيني اوي خالص كتير
بحبك يااغلي توام في الدنيا
وحشتيني اوي اوي
طمنيني عنك لو مش علي الميل علي المدونه
مش متخيله اني هشوف عمو وخالتو واخواتي الصغننين
وانتي لا
بس يااارب منك الصبر
لا اله الا الله
تحيـــاتي

أبــــو ضـــيــاء يقول...

بما اني مريت بنفس الموقف بما اني طالب معادله كنت عايش في الكويت , حابب اقولك ان اي حاجة بتقى صعبه في الاول وان شاء الله الامور هتبقى ابسط

وربنا يكرمك للي فيه الخير

بنجاواتى يقول...

الف مبروك يا استاذة بسمة

ربنا يصبرك

ان شاء الله تعدى الايام دى على خير


تحياتى

yoyo يقول...

ان شاء الله ربنا يجمعكم على خير يارب
ربنا مش يحرمكم من بعض ابدا يا حبيبتى
معليش هونى على نفسك وعلى قلبك
دايما بعد الفراق بيكون فيه لقا
وان شاء الله قريب

الف مبروك على نتيجة التنسيق يا قمر
اهم شىء انك حابة الكلية
ربنا يوفقك يارب

ربنا يسعد و يسعد قلب يارب
دمتى اختى بالف خير و سعادة
تحياتى
يويو

dr/shiko يقول...

الف مبروك علي التحاقك بالكلية التي تتمنيها ... ويارب يجمعكم معا علي خير ...وبدوام التوفيق يارب ... في رعاية الله

حـــــروف متــبعترة " عــمرو الشــايب يقول...

بجد بجد بحد انا حاسك اوى

ربنا معاكي و ان شاء الله خير اكيد الارواح بتتلاقي هي ف السعودية و انتى هنا بس هتلاقوا بعض

هتحسيها جمبك ممكن الفراق صعب بس بجد بجد انجزي و مش تتعبي نفسك عشان تحسي المدة قصرت و تسافري ليهم و اى هما يرجعوللك

ربنا معاكي مستنيكي تزوريني

fL0weR-giRL يقول...

رينا يرجعهملك سالمين غانمين ياااااارب عشان اول مره تسبيهم

مبرووووووووووك علي الكليه هنشوفك صحافيه اد الدنيا

** تقبلي مروري **

marmar يقول...

اولا انا دوخت على مالاقي فين مكان الكومنتات يخربيت المكان الرزل ده:@
تانيا انا بجد زعلانه منك لانك مش بتتصلي ولا تعبري ولا كأن ليكي اخت هنا :@
بعدين هو انا وشوشو مش واحد ولا ايه يا هانم ولا نسيتي ان ليكي اخت هنا في مصر هاااااااااااااااااااا :@@:

وحشتيني اوي يا بت ومبرووووووووك
مبروووووووووووووووووووووك
مبروووووووووووووووووووووووووووك
عل تخصص الجميل يارب ترفعي راس اهلك يا حبيبتي وانا اكيد واثقه من كده
واهو يا ستي اللي كنتي بتحلمي بيه اتحققلك مين قدك يا عم
يارب ارجع السنه الجيا الاقيكي بسومتي اللي اعرفها مش الاقيكي حسنيه شخلع هههههههههههههههههههههههههههه
وحشتيني وربنا يا ندله قوليلي اخبارك ايه واخبار اللي بالي بالك واخبار شوشو ايه وسلميلي عليها اد الدنيا كلها

بحبك يا رخمه

قلبي مملكه وامي تملكه يقول...

سوومه والله حرام عليك

اول ما قريت البوست جلست ابكي

والله مو مثخيله اشوف شيماء وانتي لا

بس انتبهي على نفسك

وسامحيني وربي مقصره معك حييييل

سومه اعرفي انك دايم على بالي

واني احبك والله احبك

وان شاء الله ترجعين لنا بالسلامه

وبسمه امانه انتبهي على نفسك

الله يحميك ويخليك لنا ياااااارب

mohamed ghalia يقول...

هى الأيام كما عادتها دول من سره زمن سائته أزمان.
هنعشها وهتستمر حياتنا نزعل شوية بس مضطرين نكمل ركزى مع هدفك ربنا يعينك ويقدرك على الى جاى
دمتِ فى سعادة ياسفيرة السعادة

ghorBty يقول...

بسومه

ربنا معاك يا قمريا

ومبروك ربنا يوفقك في كليتك ويصلح حالكـ يارب

الاحساس دا انا حسيته قبل كدا لاني كنت زيك كدا في نفس الموقف دا احساس طبيعي جدا وان شاء الله تنشغلي بمذكرتك والايام بتعدي ..

خلي بالك علي حالكـ

ربنا ييسر لك يارب

♥نبع الغرام♥♪≈ يقول...

يااااااااااااه قد اي كلامك وجعنى يا حبيبتى ربنا يجمعك بيهم على الف خير يارب ويطمنك عليم وان شالله ربنا معاكى بجد ومتزعليش نفسك خالص احنا هنا كلنا معاكى اخواتك اللى بيحبوك وان شالله تحققى حلمك وترفعى راسهم بيكى ياقمر بس عشان خاطرى خلى بالك من نفسك بحبك قووووووووووى
اختك ايناس

غير معرف يقول...

الله يوفقك يابسمه ويجعك في اهلك على خير


راح نفقدك في المدرسه

balack يقول...

الله يوفقك يابسومه

ويجمعك بأهلك على خير

راح نفقدك بالمدرسه

اسلام الشربينى يقول...

يااااااااااااااة على الحزن اللى انتى فية على طول


اولا احب اباركلك على الكلية اللى انتى دخلتيها


ثانيا احب اقولك ان الايام كدة يوم معاكى ويم عليكى ربنا معاكى ويصبرك

واختك ترجعلك بالسلامة


ثالثا بقى ودة الاهم ارجوكى تغيرى لون المدونة عشان انا بجد تعبت لحد ما علقت عندك


تحياتى ليكى

اخوكى فى الله اسلام الشربينى

العلم نور يقول...

بسمة يا أحلى بسمة .. الفضفضة تريح كثيرا ويحفظك ويخليكي لعائلتك السعيدة بك.

ايمان روحي يقول...

وحشتيني اوي
دلوقتي بقرء دفتر مذكراتي
مواقفنا كتير جنونيه
انا وانتي جد مجانين
ههههههههههههههه
خلي بالك من نفسك
برسلك طاقه دايما
بتوصلك؟
ههههههههههه
تحيـــأتي

Unknown يقول...

إن شاء الله يرحعولك بسرعة وبخير وبسعادة

وألف مبروك على تحقيق حلم الكلية وبالتوفيق

ويبقى التواصل

إشراقة أون لاين يقول...

ربنا يصبرك يا بسمة
فعلا فراق الأحبة صعب اوى

م/ محمد صالح يقول...

ربنا معاكى ويسعدك ويرجعلك اهلك كلهم بالف سلامه

طوبه فضه وطوبه دهب يقول...

ياعسل انتى واختك ربنا يارب يخليكم لبعض ويجمعك بيهم على كل خير ويحفظك ويحميكى من كل سوء اللهم امين اى اختيار فى حياتنا محتاج لاصرار وتنازل معلش استحملى شويه والايام بتعدى هوا

جنات يقول...

الله يصبرك ويكون بعونك

والله يحفظ امك وابوك وشوشو

جنات

رابطة هويتي اسلامية يقول...

فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة

فى نقاش عام وحوار مفتوح حول موضوع الحملة .

والدعوة مفتوحة للجميع للمشاركة معنا فى النقاش من أجل الإفادة والإستفادة

نتمني منكم مشاركتنا من أجل تدوين أفضل

تحياتنا

أسرة رابطة هويتي إسلامية

The illusionist يقول...

بوست حلو قوى
بجد الواحد حاسس كانها تجربته الشخصيه بتتكرر قادمه
كلامك عنهم حلو قوى
مش عارف بس انا خدته كانو قصه
مش بوست يعنى
وعجبنى من منظور مختلف مش عارف اوضحه
بس بقول اللى حسيته اول ما خلصت البوست
والف الف مبروك الكليه
وربنا يعيتك ويوفقك

ايمان روحي يقول...

وحشتييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييني
ههههههههههههه
انا انشاء الله هبعتلك مع الحجات دبدوب صغنون هديه ميلادك مقدما لاني عارفه اني مش هكون هنا يوم ميلادك
يارب يعجبك
انا جبت واحد لنفسي علشان نكون زي محنا متعودين كل حجاتنا زي بعض
ههههههههههه
تحيـــاتي
سلامي لغاليه
هههههههههههههههههههه

العلم نور يقول...

مليش يا بسومة ما تزعليش ربنا يرجعهم ليكي بالسلامة وتفرحي بعودتهم ويفرحوا بلقائك. وترجعي للماء تاني

donya يقول...

اول زياره هنا
شعرت بك في كل كلمه قلتيها في البوست
ربنا معاكي وشويه شويه هتتعودي علي الوضع الجديد
وكمان النت ماسبش حد لوحده هتتواصلوا عن طريق النت ان شاء الله


*تحياتي

الشاعر الحزين يقول...

بسومه النعومه

الغياب طاااااااااااال قوى يا بسومه

وأنتى أصلا مش عارفه التدوين عامل ازاى من غيرك

اتأخرتى قوى

أتمنى تكونى بخير وترجعى بسرعه

لأن بجد وحشتنا مواضيعك الرقيقه وتعيقاتك الجميله

دمتى بكل خير

ليس فقيرا من يحب يقول...

اخبارك ايه يا بسوم

وغايبه ليه كده يا حبيبه قلبى

يارب تكونى بخير يارب

طمنينا عليكى