اليوم هو يومي الأول في سنتي الثامنة عشر ,لا أصدق أنني حقا كبرت , مرت سبعة عشر عاماً منذ يوم 24/1/1992 ليلة الجمعة
لعلها بداية خير وبركة لطفلتهم الأولـــى عسى أن ينفع بها ربي الأمة , كانت فرحة أبي لا توصف , لم يهتم بما يشغل تفكير الكثير من الرجال ألا وهو أن يكون وليدي الأول صبي , لا لم يكن هذا تفكير أبي بل حمد الله وشكره على هذه النعمة فقد جئت بعد سنتين من الإنتظار الممزوج بالشوق
وها أنا قد كبرت ... لم أحقق شيئاً ذا أهمية وهذا يحزنني كثيراً ويشعرني أنني بلا قيمة
يحزنني أنني لم أكن كما أرادني والداي
ولكنني حققت مايتمناه الكثير وهو حب الناس لي , حقاً هي نعمة أشكر الله عليها وأتمنى أن لا تزول
وقد نويت في عامي الجديد أن أرقى بنفسي إلى الأفضل وأن أكون معول إصلاحٍ في الأمة
وأرجو الله أشد الرجاء أن يعينني على ذلك
فيا رحمن يارحيم انصر أمتنا واجعلني ممن لهم يد في ذلك أنا ومن أحب
وأحسن خاتمتنا وحقق مانتمناه في دنيانا وأخرانا
واجعل آخر كلامنا في الدنيا
*لا إلـــه إلا الله محمـــد رسول الله*
حصل إن يوم الجمعة امبارح كانت أختي شوشو هانم وصحبتي إيمان والعيلة الكريمة محضرين ليا مفاجأة وأنا طبعا معرفش
ورتبوا وجهزوا كل حاجة وأنا كنت قاعدة على الكمبيوتر ومش عارفة الكلام دا كله وجت إيمان أخدتني من إيدي وأمرتني أمر إني أغمض
عينيا ومفتحهاش غير لما تسمحلي وفضلت ماسكه فيها وماشية وخايفة اتكعبل في حاجة
المهم وصلت الأوضة بتاعتي أنا وشوشو اللي كانوا مجهزين فيها الحاجة وقالولي 1.. 2 ..3 ..فتحي عينك وشفت المنظر دا
طبعاً اتفاجإت جدا لإني مكنتش فاكرة يوم ميلادي أساسا بس مكنش في شموع عشان ميكونش تقليد للكفار ودي أول مرة يعملولي حفلة في يوم ميلادي بس كانوا دايما بيجيبولي هدايا
بعد كدا فكيت الفيونكة اللي على العلبة وقرأت الكلام اللي مكتوب عليها
وبعد ما فتحت العلبة اللي إيمان جيبهالي اتصدمت صدمة فرح
التورتة دي أحلى وأغلى تورتة في حيــــاتي مش عارفة أوصف قد إيه كنت سعيدة
بس كانت لذيذة بشكل أغيظكوا بقى ... موتوا بغيظكم
وبعد كدا شيما وإيمي إدوني الهدايا اللي جابوهالي
الكيس البني بتاع شوشو والأحمر بتاع إيمي
دول بقى لكلوكين هم الاتنين اشتروهم بالصدفة مش عارفة ايه حكاية الكاليك دي هههههه بس يلا حلو عشان ألبس كل واحد مع لبس نفس لونه
وفي كدا برفان صغنون على طرف الصورة من إيمي
وشيماء جابتلي البرفان دا
وكمان الخاتمين دول ((الخاتم التاني صورته اتحذفت من غير ما اقصد))
والرسالة دي من إيمان
وبــــــــــــــــــــــــس
كانت حفلة جميلة جدا وبعد كدا شوشو أخدتني وطلبت مني أفتح المدونة بتاعتها شوشوهانم/ ولقيت حبيبة قلبي كاتبه عني بوست ربنا يخليهالي
وعلى الساعة 9 ونص بابا قال لنا عازمكوا على العشا برة وكان عشان محترم جدا جدا ههههههههههههه
مخلصتش المفاجآت لحد هنا انهرده فتحت مدونة زوزو حبيبتي نور على نور/ لقيتها عملالي حفــله
حسيت والله كإنها معايا ربنا يخليهالي وميحرمنيش منها ابدا...
وبشكر ياجماعة كل اللي علقولي في البوست اللي فات وبعتذر عن عدم الرد عليهم لإني بجد مضغوطة جدا وبالعافية بفتح النت
وامتحاناتي بعد الاسبوع الجاي وربنا يستر لإني خايفة جدا ادعولي كتييييييييير
~~~~~~~~~~~~~~~~~~~~~
ألقـــــــــــــــــــــــــــــاكم..
19 التعليقات:
حبيبتى بوسى
كل سنه و انتى طيب ه يا قلبى
و ربنا يجعل كل أيامك أفراح وسعادة
و يخلينا لبعض و نشوف بعض قريب ان شاء الله
تحياتى
أه يا بوسى
نسيت أقولك ان الهدايا جميله قووى
مبروك عليكى
و ابقى قوليلى البرفانات اسمها ايه ؟؟
أصل اسم البرفان التانى مش باين
تحياتى
احلي خبر النهاردا بجد
كل سنه وانتي طيبه يابسومه
ودي هديتي ولو كنتي قدامي كانت هتكون هديه حقيقيه
Text here
Text here
اضغطى عليهم
كووووووول سنه وانتي جميله دايما
السلام عليكم ... وكل عام وأنتى طيبة وإلى الله أقرب ... وإن شاء الله العام المُقبل تكونى حققتى أحلامك وإمنياتك فى الحياة .. وربنا يشرح صدر الوالد والوالدة بِكم ... ويفرح قلوبكم جميعاً ..
كل سنة وانت طيبة وعقبال مليون سنة ويارب تحققى كل ايللي نفسك فيه
بس معلش انتى كده تبقي 17مش 18
مش كده
سلام وتحياتى ليكى
بسم الله الرحمن الرحيم
السلام عليكم ورحمة الله وبركاته
أختى الكريمة بسمة
تحياتى
وكل سنة وانتى طيبة وعقبال مليون سنة
وان شاء الله السنة دى تكون وشها حلو عليكى وتنجحى بتفوق وتدخلى الكلية اللة نفسك فيها
شدى حيلك وذاكرى كويس وسيبى الباقى على ربنا سبحانه وتعالى
دمتى بكل خير وود
والسلام عليكم ورحمة الله وبركاته
كل سنة وانتي طيبة
مش هعرف أكتب غير كده
المواقف الي زي دي مش بعرف أنطق فيها
ربنا يهنيكي انتي وصاحبتك وشوشو أختك
سلام
كل سنة وحضرتك بالف صحة وسعادة
كل سنة وانتى بالف خير
ويارب السنة اللى جالايه تبقى أحلى وأحلى ويلا سلام
كل عام وانتى بخير
معلش هديتى ليكى هتكون دعاء
ربنا يباركلك فى عمرك ويباركلك فى حياتك مع نفسك ومع اهلك وفى عملك وفى درستك وربنا يقويكى على الثانويه العامه بأذن الله وتنجحى وتتفوقى على التعليم الزباله الى عيشين فيه وتعالى زورينى بقه
كل سنة وانتى بخير وصحة وسعادة
فرحانة ان اول تعليق لية كان بالمناسبة الحلوة دى
ويا رب يجعل حياتك كلها مناسبات حلوة
يارب تكون سنة سعيدة عليكِ..
وتكتمل فرحتك بنجاحك فى الامتحانات ..
ماشاء الله الهدايا والتورتة شكلهم جميل فعلا .. والاحلى منهم المفاجأة .. والاجمل منهم كلهم صديقتك واختك ربنا يديم المحبة ما بينكم ويألف دوما بين قلوبكم ..
كل عام وانتِ الى الله اقرب ..
دُمتِ بخير ..
كل سنة وانتي بالف خير يابسمة
الهدايا جميلة جدا ربنا يخليكم لبعض
وان شاء الله تحلي كويس في الامتحان وتجيبي درجات عاليه
تحياتي
كل سنه وانتى طيبه بجد اصدقاء جدعان ويارب نلاقى مما عندكم
كل سنه وانتى طيبه حبيبتى
بس كده عععععععععع
قبل منى ماشى يله خير :):)
هههههههههههه
انا فى شهر اربعه
كل سنه وانتى طيبه مرة تانيه
السلام عليكم
كلسنة وانت طيبة وعقبال100سنة
مدونتك عجبتني اوى
بت انتي يا قمر ياللي تميتي السبعتاشر ومعزمتنيش حتى هههههههههههههه كل سنة وانتي طيبه يا قمر ويوفقك ربنا في الامتحانات بس ابقى طمنينا عليكي وعلى الامتحانات
كل سنة وانتي طيبه
ايه الحكاية ؟؟؟؟؟؟؟؟؟؟
هو انتى هتقعدى تمتحنى لغاية امتى ؟
كل دى امتحانات ؟
هو انتى فى كلية الطب ؟
وبعدين ايه اللون الاحمر ده ؟ بيتعب العنين ؟
مستنيين
سلام
كل سنه وانتى طيبه
ودايما فى سعادة وفرح باذن الله
تحياتى بكل ود
إرسال تعليق