~~~~~~~~~~~~~~~~
ازيكوا ياجماعة يارب تكونوا بخير
والله دي فضفضة لا أكتر ولا أقل مش عارفة مالي مخنوقة أوي أوي أوي قلت احكي هنا شوية
المفروض إني انزل بوست دلوقتي بس ماما لقيتني صاحية قالتلي قومي نامي عشان تقدري تصحي تصلي الفجر
وعشان هنسافر بكرة لازم تكوني فايقة ومتغلبنيش بالصداع بتاعك.
أصل أنا بتعب في السفر مع إننا بنسافر كتير أوي
يعني المفروض متعودة
يلا ربنا ييسر ومصدعش بكرة احنا على العموم مسافرين بلد جنبنا بينا وبينها 150 كيلوا يعني ساعة ونص في الطريق
هنروح نتفسح شوية أصل المدرسة هانم هتبدأ يوم السبت الجاي دا
يااااااااااااااااااالهوووووووووووووووي
يارب ارحمني هخلص امتى تعبت بجد تعبت في المدرسة دي ومش مرتاحة ابدا فيها
حتى البنات في الفصل بعد ماكنا كلنا شلة وحدة بتحب بعض وتخاف على بعض اتفرقنا وخصامتنا كترت
وحدة صحبتي اسمها إيمان سعودية مش إيمان الفلسطينية أنا وهي مبنكلمش بعض بقالنا شهرين تقريبا
أنا مخنوقة بجد والله ياناس كلمتها وبعتلها بنات مع إني مغلطتش في حقها بس أنا بحترم العلاقات اللي مبنية على الحب وبخلص فيها أوي
دي مهما كانت صحبتي ومش صحبتي وبس دي كانت من انتيمي
أنا بجد مجروحة منها أوي بس خلاص معدتش اتحمل جرح لكرامتي تاني
أنا كرامتي أهم عندي من أي حاجة ومحدش يدوسها واللي يتجرأ مش بيحصله طيب
أنا مش شريرة بس كرامتي غالية أوي عليا يمكن بابا علمني الكرامة من وأنا صغيرة بس أنا عارفة اني فهمتها غلط شوية
أصلها عندي زياده عن اللزوم
....
غير كدا بقى المدرسات بقى أنا زعلانة منهم جدا جدا جدا عشان اللي عملوه معانا في الامتحانات زي ماقلتلكوا في بوست (وعدت إليكم)
والله ماطايقة حد في المدرسة بس هستحمل كفاية في بنات صحباتي هناك بيصبروني على المر دا
وأختي شوشو هانم وصحبتها فاطمه اللي دمها عسل الاتنين ينسوا الواحد الدنيا باللي فيها عليهم خفة دم
ربنا يخليهوملي
وكفاية وجود إيمان توأم روحي اللي بتصبرني رغم الألم والجرح اللي فيها وأدينا بنساعد بعض عشان نكمل في الدنيا دي ونقف على رجلنا
ونعين بعض على طاعات كتير
ربنا ميحرمناش من بعض
واسفة بقى طولت عليكوا اذا انتوا مستحملتونيش مدونتي حبيبتي استحملتني
وهتستحملني ربنا يخليكوا ليا ويخليلي حبيبتي(أيام زمان)
~~~~~~~~~~~
ملحوظه: رانيا حبيبتي وحشتيني أوي ياروني والله وحشتيني جدا عايزة أشوفك محتاجة لنصايحك كنت بجد محسساني انك اختي الكبيرة وانتي فعلا كدا
عايزة نقعد مع بعض زي زمان
عارفة انك بتابعي المدونة ومش بتعرفي تعلقي ياعبيطة بس والله انتي معايا دايما ومستنية اليوم اللي نتجمع فيه سوا
يارب جيبه بسرعه اليوم دا
~~~~~~~~~~~~~
شكرا لكل اللي قدر يكمل لآخر البوست بجد بشكره من قلبي
ربنا يسعدكوا يارب
~~~~
ألقـاكــــــــــــــم
14 التعليقات:
بووووووووسي حبيبتي مالك بس ؟؟
ايه اللي مزعلك يابنتي
ما تخلي اللي يزعل يزعل ويتفلق ويطق كمان ادام هيا هانت عليها العشره والصحوبيه تتفلق وتتحرق
انا كنت مصحبا واحده ولله يا بوسي 12 سنة وكل يوم تلفونات بالساعات ومقابلات وخروجات وووو
وفجأة بخخخ
كل واحد فينا بخ وخلاص
كبري دماغك من اي حد
وعلى موضوع المدرسه يا بوسي هااااانت
كلها شهور قليله وهتخلص على خير
وبكره تفتكري احلى ايام ولله ايام المدرسه وتقولي يااااه يارتها ترجع
كفايه وقت المذاكره بس
انتي عارفه انتي هتدرسي وتذاكري ايه في المدرسه
الجامعه بقى مش عارفه لا هتذاكري ولا هتدرسي ايه كل واحد يدخل يديكي حاجة شكل ويقولك دخلا ولا مش دخلا في الامتحان
ونيله ولله
متستعجليش عل هم يختي
وكفايه عليكي شوشو وفطوووم مدلعينك اهم وبينسوكي خنقتك
ربنا يخلهوملك يارب ويخليكي لاهلك يا سكره
لا اله الا الله
ربنا يوفئك
وخلى بلكو من الطريق
ومتزعليش نفسك يستى وحولى تسمحى على طول
ومتخليش خلئك ديق اوى كدا
خلى عندك مكان فاضى فى خلئك
هههههههههههههههههههههه
وربنا يخليلك كل اصدقائك يارب
وترجعلنا بسلامه
والله مش عارفه ياململ زي ما قريتي كدا بالزبط
بس وحشه اوي ان الواحد يتخلى عن صحبه بكل سهوله كدا ليه يعني هي معندهاش قلب مبتحسش
والله الواحد تعب من الدنيا دي
ميت وحده تعمل الحركه دي هو دلوقتي مبقاش في اخلاص ليه
اوعي يابت تعمليها معايا امص دمك فورا
ههههههههههه
انا رايحه انام بقى قلت اسلم عليكي اصلك وحشتيني جدا وابقى ابعتيلي اضافه عشان موصلنيش اي حاجه
اوكي ياململ
تصبحي على خير
وروحي اتخمدي احسنلك عشان تقدري تصلي الفجر ياهبابه
انا شكلي هنضرب بكرة من بابا وماما
وهيصحوني بضرب الجزم
ههههههههههه
سلاملام
عايز اقولك على حاجة تانية
الصداقة درس فى الحياة
وكويس ان الدرس دا جالك وانتى فى السن دا
بسم الله الرحمن الرحيم
السلام عليكم ورحمة الله وبركاته
أختى الصغنونة بسمه
ايه ؟؟؟ مين اللى مزعلك ؟؟ قوليلى بسرعه هضربه يعنى هضربه
اوعى سيبينى عليه
ماهو هينضرب هينضرب لايمكن يفلت منى
وبعدين ايه يعنى حكاية المدرسة يوم السبت دى عادى يعنى هى كلها 3شهور ونخلص ياستى ونروح الجامعه وابقى ارجعى واشتكى تانى
بصى اللى يزعل منك من غير ماتكونى عملتى حاجه تزعله يبقى يشرب من الابراهيميه ولو مش عارف يبقى يقولى وانا ابقى ابعتله شويه فى قزازة
طبعا يابنتى مش صعيديه يبقى اساسى الكرامه اهم حاجه عندك ولازم تبقى بزيادة حبتين ده العادى بتاعنا
ربنا يخليلك شوشو وفاطمة وايمان وكل اللى بتحبيهم
فرفشى بقى كده وصلى على النبى
انا عارف انك اتحسدتى من ساعة مافهمتى القصيده الهباب اللى انا حاططها دى
لما ترجعى من الفسحه بتاعة بكرة هبقى ارقيكى علشان العين
هههههههههههههههههههههههههه
روقى مافيش حاجه تستاهل
تحياتى ودمتى بكل خير وود
والسلام عليكم ورحمة الله وبركاته
ازيك ياأختى بسمة ...أنا زعلان فعلا بعد ما قرأت البوست لكن إن شاء الله سهلة ودايما الواحد بيقع فى أوقات صعبة وتبقى مخنوقة وساعات ممكن تفكرى فى حاجات غريبة تغضب ربنا ..لكن دايما اخرجى لوحدك أو بعد صلاة الفجر اقفى فى البلكونة شوية ..وشمى شئ من الهواء النقى ده اللى معدناش بنسمع عنه وتكلمى مع نفسك ..آه مع نفسك ..عادى ...الناس ممكن تقول عليك مجنونة ..مش مهم بس بطلع الكبت اللى جوايا وكمان تبقى أحلى لو بصيت للسما وقعدتى تكلمى ربنا بينك وبينه ....ياااااااااااااه عمرك ما هتلاقى حبيب بيحبك زى ربنا..وفى وقت النسمة دى اقرأى آيتين بس ..مش أكتر ولو فى أغنية انتى بتحبيها أو موجودة على موبايلك اسمعيها.. وادعى ربنا ..يارب هون الصعب أدامى..ممكن فى الوقت ده ربنا يكون بيحبك أوى فتنزل دمعتك وتحسى ان كل هم راح أو ممكن يأجله الإستجابة ليك ..يبقى أكيد عايز يسمع صوتك تانى...وجربى يابسمة تانى وابقى ادعي لأخوكى
آه نسيت أقولك إنى سعيد جدا بزيارتك لإشراقة..ويارب متكنش آخر زيارة أما بالنسبة لكيفية التعليق ستجدين فى نهاية الموضوع posted by ثم اضغطى على إرسال تعليق فى نهاية التعليقات ...وآسف على إطالتى ..أخوكى محمد شعير
بت انتي
اعمل ايه بس يا منيله
دنا غلبااااااااااااااااااانة ولله
انا الفتره دي مزنوقه جدا "عيب عيب مخك ميروحش بعيد" مزنوقه في الجامعه والدراسه وحاجة قرف ولله
اروح من الساعه عشره لاتناشر الصبح بعدين اروح واروح تاني من خمسه لحد تمانيه بليل حاجة قرف ولله استغفر الله
ادعيلي يا بووسي
هبعتلك الميل بتاعي عل برايفت عندك وضيفيني انتي عشان مش فاكره ايميلك
سلام
انا جيت
عاااااااااااااااااااااااا
كل اللي فيكي ده من عودة الدراسة مسببة الأكتئاب الأولى
معلش شهور بتجر بعضيها وتعدي على خير
اكتشفت ان كل البنات اللي بتتربى في الغربة زي مانوسة بنوتي .. كلكن حساسات ودموعكم قريبة
مين دي اللي عمالة تبعتي ليها مراسيل
الكرامة والحب في كفة واحده وعشرتك اللي تهون ع الناس لازمن ولا بد عشرتهم تبقى في اقرب مزبلة تاريخ
جميلة صور المدونة قوي وخاصة هجور
هل اقامت معاكي وابوها وامها بيحجوا؟ عسولة قوي قوي .. عقبال ما تخلصي كلية ونجوزوكي ياشابة "بعينك اقول لك كده قبل ما تخلصي"
مودتي ياقمر
السلام عليكم
يا اختي ما تدايقي حالك ما في شي مستاهل الواحد يضيع صحته عشانه
لما تزعلي تزكري كل شي حلو بحياتك
وبالنسبة للصحبة مليان بنات بالدنيا الي بروح بيجي مية بدل منو
كمان نيالكو بتقدرو تسافرو اللهم لا حسد احنا محبوسين بسجن لا روحة ولا جية غير هالنت الي بطير زهقنا
تروحي وترجعي بالسلامة انتي والاهل ان شا الله
سلام
السلام عليكم
الحياة طول ما احنا عايشين فيها هنشوف الكثير من الفرح والحزن انها متغيرة
اهم حاجة اكون قريب من ربنا هينور ليا الطريق
واعمل اللى عليا والصح كما نقول ولااحمل نفسى اكثر مما تتحمل
ربنا يوفقك ويكرمك
تحياتى
ايه البراءه والطفوله دي
بجد عسوله ربنا يكرم
وماتزعليش من صاحبتك اللى مش عايزه تكلكم انتى عملتى اللى عليكى والايام هتصفى الامور
المهم انتى ياكتكوته مش تزعلى نفسك ابدا
بجد عسوله قوى ماشاء الله عليكى
يا حلوه انتي بتفكريني بجد بمرحلة السنويه العامه كنت كتير اتعب من الناحيه النفسيه وانا اكبر منك بس بسنه يعني عمري 18 سنه ...
وحياتك كنت كتير اتعب واحاول ابكي علشان افرغ طاقاتي ما اعرف وقتها كيف هالشعور الكئيب اجاني .شعور حقير جدا...
بس ببكرا بعد ما تخلصي مدرسه بتتمنى بس تروحي تقعدي مع صاحباتك الي بجوز ازوكي بالكلام بس وحياتك صحبة المدرسه ما ببتتعوض
بالمره بالمره
اسمعي مني يا حلوه انتي
تقبلي مروري يا خيتو
شوفي يا اختي ازا كانت البنت بتلعب بمشاعرك وكرامتك بلاها من صحبه وسيبيها اما امنا علي اعتقادي اكيد انتم بتتمازحو مع بعض وبتتهزرو كتيييييير لاكن انتي لساتك واعه الدنيا مفتوحه معك حتشوفي المنيح والعاطل والكويس والوسخ
لاكن اتمني انك تحافظي علي كرامتك وما تغلطي لاكن انا حاسك بتغلطي كتير وانتي مش حاسه لاكن بحب اقولك اخر كلمه مهمه
ما تخلي الزعل ياخز حياتك ويخليكي تحسي بالملل اتركيه واعرفي دايما ان ربنا معاكي واتمني لكي حياه مليئه بالفرح مع تحياتي
الظلام
السلام عليكم
مالك بس زعلانة ليه
بس انتى أكيد بقيتى كويسة لانى قريت عند شوشو ان الملاهى كانت حلوة أوى
حاولى تروقي كده واقري دعاء الهم والكرب وربنا هيبعد عنك الحزن ان شاء الله
تحياتى ليكى
إرسال تعليق