BLOGGER TEMPLATES AND TWITTER BACKGROUNDS »

بوسي

2/27/2009

مبسووووطة أووووي

البوست اللي فات كان عنوانه "مخنوقه أووي" بس الحمد لله ربنا فك الخنقة دي بأحلى فسحة ياااااااااااه اتبسطت أووووووي
يمكن شوشو هانم كتبت عن الفسحة بس دا بردو ميمنعش اني اكتب أنا بردو عنها بطريقتي وأوصف شعوري
كمان بعتبر المدونة دفتر مذكراتي فمش معقول يعني اضيع احلى ذكرياتي من غير ما اكتبها...
المهم بقى أنا صورت صور للفسحة عشان تحسوا انتوا كمان انكوا اتفسحتوا معانا ..
ليلة ما كتبت بوست مخنوقة أوي قلت هقفل عشان أنام بس معرفتش أنام لحد الفجر صليت ونمت للساعة 11ونص وبابا خرب الدنيا
المهم صحينا وجهزنا وإيمان جت عشان ننطلق بقى يااااه على السعادة اللي كنت فيها من زمان نفسي أنا وشوشو وإيمان نسافر سوا
وأخيرا اتحقق حلمنا...

واحنا في طريقنا" للقريات" دي البلد اللي احنا رايحين لها.. في قصر في الطريق اسمه قصر "كــــاف" أنا زرته قبل كدا بس احنا كان معانا عيلتين اصحابنا وكانوا هما كمان عايزين يروحوا المهم يعني فرصة عشان إيمان كمان تشوفه

ودي شوية صور للقصر

دا القصر أو القلعة من برة



دي البوابة اللي دخلنا منها (البوابه من جوه)




دا الباب بقى اللي يدخل على القلعة نفسها من جوه الكتاب دا يقابلك تقرأ فيه الحكاية بتاعة القلعة دي



الصخرة دي بردو موجودة عليها رسمات وفي ناس راسمين عليها راجل راكب حصان ههههههههه ياخسارة مش باين بقى بس شكله يدحك "اللي راسمين من الزوار"

دي صورة ملك أو أمير مش عارفه والله

دا بقى السجن شكله يخوف من جوه أنا صورته بس مكنش باين عشان ضلمه
شايفين أخويا راسه وألف جزمه انه يغلس عليا ويكون في الصورة دي اعمله ايه هو حر بقى


المكان دا فيه أربع غرف لكل زوجاته كان متجوز أربعهدي غرفة منهم من جوه

ودا صندوق من اللي كانوا بسشيلوه فيه حاجاتهم قديم أوي وحالته حاله




~~~~~~~~~~~~~~~~

بعد كدا كملنا طريقنا ووصلنا القريات ورحنا مطعم جميل وطلبت اتغدى بروست (كنتاكي يعني) وصورتلكوا الوجبه بس كان لذيذ جدا


وأنا كنت جعانة أوي لإني مفطرتش والساعة كانت 2الظهر كدا

~~~~

بس بعد كدا روحنا الملاهي هي مش ملاهي كبيرة يعني ملاهي على قد حالها

أنا قعدت اتحايل على شيماء وإيمان عشان يقوموا ومحدش قام

ايمان مصدعه وتعبانه وبتقولي بطلي شغل عيال وشيماء قاعدة على اللاب توب


أنا اتقهرت وقلت والله لوريكو أخدت التذاكر اللي بابا جايبهالنا احنا البنات وقلتلهم هلعب نونه"دي نهلة أختي الصغننة عندها خمس سنين"

ولعبت عربيات وأنا بقى ايه سواقه كدا محدش يغلبني بس الراجل ابن الذين خلاني اركب عربية كانت مجربعة ومنيلة خالص

المهم جت إيمان اديتني تذاكر تاني عشان اعترضت على عدد التذاكر فبابا اشترالي تاني واخدتهم ولعبت دور تاني في العربيات وإيمان بتتفرج عليا


بعد كدا ركبت الساقية أنا والبنات الصغنين اللي معانا(بترعب منها جدا مبحبش الأماكن العالية بدوخ) بس اهو عناد بقى فيهم

وبعد كدا لعبت مع البنات لعبة كهربا يعني زي استغماية كدا بس مش بنستخبى لو اللي بيجري ورانا قرب مننا نقول كهربا عشان ميمسكناش

تقريبا تعرفوها

والستات هيموتوا عليا من الدحك بس أنا طنشت أنا عايزة أعيش طفولتي هههههههههههههههه


بعد كدا بقى بنت صغننة اسمها "أيتن" اقترحت عليا نركب السفينة اللي بتتمرجح جامد أوي وتطير في الهوا

أنا طبعا جربتها قبل كدا في جيرو لاند في مصر وقلت مش هركبها تاني

بس اعمل ايه فضل معايا تذاكر وعايزة استمتع بيهم بقى فدست على قلبي وركبت وقلنا للراجل يخففها بس العيال اللي راكبين فضلوا يغنوا ويقولوا

سرع سرع سرع

كنت عايزة الطشهم بس مافي اليد حيلة


وركبتها كمان مرة


وكمان مرة بس دي كانت مع ايمان وشيماء واقول لشيماء شدي علينا الحديدة عشان منوقعش لإنها سايبة تروح الهبله تصوت وتزيحها لبرة

بس أنا دلوقتي بمشي بعرج عشان من كتر الخوف كنت بضغط برجلي على الكرسي اللي قدامي

3 مرات ركبتها فأكيد رجلي هتوجعني

هي ممتعة جدا مع انها تخوف أوي ومبطلتش صويت غصب عني بقى


وأخويا واصحابه هيموتوا علينا من الدحك

كنت مع الصويت بضحك بهستيريا شديدة من كتر الخوف

والست ايمان في الآخر قامت تلعب وتجري ورا البنات بعد ماكانت بتتريق عليا هههههههههههههه

~~~~

بعد مامشينا من الملاهي رحنا السوق واشتريت 3 صناديق جمال جدا

ايه رايكوا حلوين مش كدا؟؟ اكيد حلوين لانهم زوء شوشو وزوئي طبعا

~~

وكنت هشتري موبايل بس محتارة ايه رايكوا في موبايل N81 عايزة رايكوا لإني محتارة لازم تساعدوني

بعد كدا بابا اشترالنا أحلى عشا بالنسبالي ((سندويتشلت طعمية وفول ومخلل وعصير)) هههههههههههههه وبابا اشترالنا درة عشان نشويه ياسلاااااااااااااااااااام بموت في الدرة المشوي بعشقه

من ساعة ما جينا من مصر مدقتهوش لإنه مش بيتباع عندنا واللي بيتباع مش حلو

~~~~~~

وشكرا شكرا شكرا لكل اللي علقوا البوست اللي فات وواسوني ونصحوني لإني كنت مخنوقة أوي وتعليقاتكوا فرحتني

ربنا يسعدكوا

((مرمر_ادم المصري_اسلام ديو_المعتصم_إشراقه اون لاين_ستيتة حسب الله الحمش_ smart mody_tamer nabil_GIGI_poomlllse_الظلام_بنوتة))

بس كدا خلاص كفاية رغي و ايدي وجعتني من الكتابة أنا رايحه اشوف ماما عايزة ايه

ألقاكـــــــــــم

23 التعليقات:

بنوتة يقول...

السلام عليكم
أنا كمان مبسووطة ليكى جدا انك المرة دى مبسووطة أوى
مش قولتلك انا كنت متاكدة انك هتبقي مبسوطة لما تروحى الملاهى طبعا لما عرفت اخر الاخبار من شوشو
المهم في حاجة حلوة أوى على الرغم من ان البوستين كتبوه اختين عن رحلة واحدة في نفس المكان والزمان
الا ان هناك اختلاف انتى اتكلمتى عن القصر وشوشو اتكلمت عن الملاهى
شكلكم كده متفقين
ههههههه
تحياتى ليكى
وسلام يا قمر

كيــــــــــــارا يقول...

ربنا يسعد ايامك يارب

والاستايل تحففففففففففففففه

كاتب مصري يقول...

ربنا يسعدك دايما ويبسطك علطول رحلة رائعة فعلا
مودتي

smart_mody يقول...

السلام عليكم

هههههههههههههه روعة كتير كتير البوست

والله يديم الفرحة يارب

بحب الاماكن القديمة كتير بس احكيلي وين القريات بالنسبة للسعودية يعني شمال ولا غرب ولا ...

شايفة ما بعد الضيق الا الفرج
السعودية حلوة كتير كتير
ومبروك الصناديق حلوة كتير

والعبي عالملاهي وعيشي الطفولة تاني

ادعيلي عليه اخر امتحان بكره

سلام

فارس بلا جواد يقول...

ربنا يسعدك كمان وكمان
انا سعيد ادام انت سعيدة
دمت بكل ود
تحياتى اليكى
فارس بلا جواد

فارس بلا جواد يقول...

بسمه
ربنا يسعدك كمان وكمان
وانا سعيد جدا ادام انتى سعيدة وربنا يخليكى سعيد علطول وتدوم السعادة على شفتيكى
تحياتى اليكى
فارس بلا جواد

المعتصم يقول...

بسم الله الرحمن الرحيم
السلام عليكم ورحمة الله وبركاته
أهتى الصغنتوته بسمة
تحياتى
ربنا يبسطك ويفرحك ويسعدك كده على طول يارب
وماترجعيش لحالة الخنقة اللى كنتى فيها دى تانى
فسحة الملاهى بتبقى ممتعه اوى لما بتكون مع الاصحاب وبيكون دمها خفيف خالص والواحد بيعمل فيها كل اللى هو نفسه فيه ومش مهم بقى السن والناس ومش عارف ايه الواحد بيستمتع بكل لحظة
بس انتى كده سخنتيها فى دماغى يبقى انتى عايشه فى السعوديه وتروحى جيرولاند وانا مااروحهاش لايونكن ابدا فى اقرب سفريه لكايرو هروحها يعنى هروحها (بس يارب مايكونش عندى شغل كتير)
بس انا بحب اروح دريم لاند على الاخر مش عارف ليه وبكره الماجيك لاند على الاخر برضو مش عارف ليه
ماعلينا
المهم انكم اتبسطوا وفرحتوا والحمد لله
تحياتى ودمتى بكل خير وود
والسلام عليكم ورحمة الله وبركاته

منار فايد يقول...

بسومه فكرتيني بايام زمان
لما كنا كل يوم اربع تبقى الفسحه اللي هيا
هما ماكانوش اماكن كتير بصراحه في السعوديه تتراح
بس كانت بتبقى حلوه عشان بنبقى كلنا مع بعض وناس كتير اوي

بصراحه كانت ايام جميله جدا
شدي حيلك ياعمري


صحيح انتي كتبتي الميل كدا..زيالهوي عليكي
على العموم انا بحاول اشيله مش عارفه
اصلي مش متعوده احذف كومنتات
ماتقلقيش

@عاشقة القمر@ يقول...

اول حاجه احب احكيلكياها ياروحي ياحبيبتي ياقلبي انت ..... انتي..
نـــــــــــــدلـــــــه
هههههههههههههههههههه
عشان الصناديق كمان ذوقي هههههههه
بس بجد الفسحه كانت روووووووعه وشكرا انك ماحكيتي شو سار معي بعد مركبت السفينه منا عارفاكي ميتبلش في بؤك فوله
ههههههههههه
علي فكرة مكنتيش بتسوقي كويس الحمد الله مركبتش معاكي كان زماني دلوقتي في القبر مع اللي سبقوني
هههههههههههههه
دنتي تحمدي ربنا انك عايشه
نصيحه يااااجمااااعه اكو متتمنوش ولا حتي تفكرو تركبو عربيه مع بسمه
هههههههههه
لا بس بجد الفسحه كانت احلي فسحه بحياتي خصوصا انها معاكو
تــــــــــحـــــيـــــاتي

ghorBty يقول...

السلام عليكم

الحمد لله ربنا يبسطك كمان وكمان

وحد يكون في السعوديه ويتخنق

انا مش برتاح اٍلا هناك

حلوة الصور ما شاء الله

والاكل كمان

فكرتني بالبروست والمسحب

ربنا معاكي الدراسه بدأت والله يعينكم

salah يقول...

مخنوووقة قوي ، مبسوووووووووووطة قوى ،، بحبك قوي أنت والرخمة اللي اسمها شيماء دي حبيبة قلب بابا ، وبعدين الحاجة اللي أنا مستغربها قوي ازاي انت عابشة بعد ما دوستي على قلبك ، مع تحيات أبي الشمقمق

لجين أبو الدهب يقول...

لما قرأت البوست اللى فات انك مخنوقة زعلت ..

ولما قرأت البوست ده انك مبسوطة قلت الحمد لله رب العالمين ..


واضح ان الرحلة كانت جميلة ما شاء الله ..

انا كمان بموت فى الملاهى وفكرتينى لما كنت بقعد اصوت برده وصحاباتى يقعدوا يضحكوا عليا ..

وواضح انك عندك موهبة التصوير زى حالاتى .. بحب التصوير جدا ..

يالا عقبال الفسحة الجاية وخدونى معاكم عشان نفسى اتفسح D:

دمتِ بخير بسمة الحبيبة ..

المتبهـدلـون فـي الأرض يقول...

صلى الله عليه وسلم


///
مدونتك ممتعة بجد ,, وفضفضاوية على الآخر وحلاوتها في بساطتها

,,بس ليا سؤال إيه البلد الفاضية دي ؟؟ ما فيش بني آدم في الصور ,,باستثناء أخوكي الرزل ("_")

:::::
ياما نفسي أروح السودان ..وأعمل عمرة وأحج ,, وأكفر عن سيئات أصلي استقويت كتير ,,وربنا بيغفر

ادم المصرى يقول...

ربنا يسعد ايامك واحوالك ونشوفك ديما فى اجمل واحسن حال

بـسـمـــة صـــــلاح يقول...

السلام عليكم ورحمة الله وبركاته
~~~~~~~~~~~~~~~~
بنوتة :

ازيك يااروبة
هههههههههههههه
اه متفقين عشان ميكونش الموضوع بايخ
اه والله اتبسطت أوي
ربنا يخليكي ياحبيبتي ويسعدك
نورتيني يابنوتة
~~~~~~
كيــــــــــــارا :

ويسعد أيامك انت كمان ياكيارا
دا من زوءك
نورتيني ياكيارا
~~~~~~~

كاتب مصري :

ويسعدك دايما ويبسطك يارب
نورتني بمرورك
~~~~~~

smart_mody :

امين يارب
ويسعدك يارب انت كمان
الله يبارك فيك
القريات في الشمال
دعيلتك والله ياأستاذ محمد
ربنا يوفقك وييسرلك
~~~~~~~

فارس بلا جواد :

ربنا يسعدك انت كمان يا إبراهيم
شكرا على دعوتك الجميلة دي
~~~~~
المعتصم :
وعليكم السلام ورحمة الله وبركاته

امين يارب ويسعدك انت كمان

اه بتبقى ممتعة جدا جدا

انا بقى معمريش رحت لا دريم لاند ولا الماجيك لاند
هي جيرو لاند وبس وكنت صغيرة كمان
في اولى اعدادي
نورتني بمرورك ياأستاذ معتصم
~~~~~~~~~~~~


@عاشقة القمر@ :
هتروح فين من ربنا ياماااااااان
هههههههههههههه
انا ياكلوبة مكنتش بسوق حلو دا انا سواقه كدا روحي روحي يابت شوفيلك حد تاني تتبلي عليه
بس العربيه هي اللي كانت مجربعه ياهبله
هههههههههههههه
بت انتي امشي يلا من غير مطرود
ضلمتيني
ههههههههههههه
~~~~~~~~~~~
ghorBty :
ويبسطك يارب
ايه ده ايه ده
عارفه المسحب كمان
لا لا لا
دا انتي كنتي هنا بقى
محدش يعرف الأسرار دي غير اللي جه السعوديه
هههههههههههههه
نورتيني
يارب متكونش زيارتك الأخيرة
~~~~~~~~~~~~

salah :
ايووة ياأستاذ بــابــا اتريق اتريق..
بابا هتبطل غلاسة عليا امتى؟؟؟؟
ههههههههههههههههههه
فاتح النت كمان شوف شغلك يابابا عشان متصلش على المدير واقوله
هههههههههههههههههههه
كبسه ياغزال مـبـ....
هههههههههه
وبعدين عادي دوست على قلبي وفضلت صاحيه
اصل انا كلي مواهب متخفش دا انا بنتك هذه الشبله من هذا الأسد
ههههههه
نورت المدونه وصاحبة المدونة واهل صاحبة المدونة كمان
~~~~~~~~~~~~~~~

لجين أبو الدهب :
لوجي حبيبتي ازيك وحشتيني اوي والله
اه واللهخ كنت مخنوقه بس ربنا فرجها

اه بحب التصوير جدا كل حاجه بصورها
واي حاجه
الموبايل بيشتكي مني ومن كتر الصور اللي بصورها
الميموري هتفرقع
ههههههههه
لما نروح هبقى اقولك قبلها بيوم عشان تجهزي نفسك
هههههههههههه
ياريت يالوجي والله
نورتيني ياحبيبتي
~~~~~~~~~~~~

المتبهـدلـون فـي الأرض:
اهلا وسهلا بحضرتك
شكرا دا من زوقك والله
لأ ما هي دي مش بلد دي قلعه واساسا محدش في السعوديه
اقصد خصوصا المنطقه بتاعتانا بيهتم بالآثــار والحاجات دي خالص مفيش حد بيزورها اساسا واحنا دخلنا القلعه من غير اي رسومات ولا اي حاجه وببلاش كمان
((ياما نفسي أروح السودان ..وأعمل عمرة وأحج ,, وأكفر عن سيئات أصلي استقويت كتير ,,وربنا بيغفر))
مفهمتش دي ممكن توضحلي
نورتني بمرورك الكريم
~~~~~~~~~~~~
آدم المصري:
ويسعدك يارب ياأستاذ آدم
نورتني بمرورك
~~~~~~~~~

شكرا ليكوا كلكوا ربنا يسعدكوا يارب
دمتم بكل ود
تحيـــــ بســـمه ـــاتي
ألقاكــــم

marmar يقول...

ولله انتي عسسسسسسسسسسسسسسسسسسسسل ههههههههههههههههههههههههههههههههه
بتحبي الدره زيي "يم يم يم" هههههههههههههههه هنا بردو مش بيتباع ابدا ولو اتباع بيبقى وحش
يوم متعب انتي عيشتهولنا من اوله لاخره بس عايزة اعرف كنتوا فين وروحتوا فين اسماء المناطق يعني
وسؤال ارخم مش ايمان دي صحبتك معاكي في المدرسه ؟؟ عندها بنوته اسمها ريم ؟ ازاي دي
ولا مش هيا
دوختيني يا ذئبه الكبننه
تحياتي ليكي يا عسسسسسسسسسسسسل

Tamer Nabil يقول...

السلام عليكم

تعرفى من كلامك

حسيت انى طلعت الرحلة وياكم

انتى كتبتيها خطوة خطوة

بطريقة جميلة

بس كان لازم الاكل

تعرفى جوعت دلوقتى
ههههه

ربنا يكرمك

تحياتى

موناليزا يقول...

عقبال كل مرة:)

إشراقة أون لاين يقول...

ازيك أختى بسمة ...الحمد لله على كل حال...وانا فعلا مبسوط لانبساطك..ويارب تكونى سعيدة على طول وعلى فكرة اكيد انبساطك كان بحاجة اتقربيت بيها لربنا عشان كده فرحك وبسطك فى الرحلة السعيدة
ممكن اضع رابط مدونتك فى إشراقة
سلام بقى أخوك محمد

فكرة من الزمن ده يقول...

انتي تعبتي من الكتابة وتعبتيني من اللف معاكي في القلعة والملاهي وبعدين انا مش بحب البروستد في الاخر ما اكلش؟
ربنا يسعدك دايما
تحيتي

دينا حامد يقول...

والله انا كنت داخله مكشره ومتنرفزة وحالتي زي الزفت بس لما قريت البوست لقيت نفسي ببتسم والنرفزة قلت كتير عن الاول

عجبني البوست ده جدا لاني بحب الاماكن القديمة بس بخاف امشي فيها لوحدي D: وعلى فكرة ال3 صناديق حلوين جدا

تحياتي

علي محـمــــــد يقول...

السلام عليكم
أول شي ربنا يسعدك ان شاء الله دايماً ومعلش تأخرت عالموضوع بس الكيد اني انا الخسران في هذا التأخير ..
القريات والجوف هي في اقصى شمال السعوديه .. يعني بالبلدي خطوتين وتكون في الاردن :) حلوه رحلتكم وخصوصاً في هذي المناطق المفتوحه ..بالنسبه للصوره ياستي هي صورة اول رائد فضاء عربي وهو الأمير سلطان بن سلمان بن عبدالعزيز ال سعود وسبب وضع صورته في المكان اللي رحتوه هو ان هذا الأمير رئيس هيئة السياحه في السعوديه ومثل ما وضحتي حضرتك ان القلعه دي قلعه اثريه والأماكن الأثريه خاضعه للهيئه اللي اتكلمنا عنها ..بالنسبه للصوره اللي ظاهر فيها اخوك ..انا سعيد بإني شفته عشان راح اعلق على مدونته بعد شويه ان شاء الله :)
اما بخصوص تذاكر الألعاب ما عندي تعليق :)
والصناديق الثلاثه حلوه ومبروك عليكم..موضوع حلو جداً يا بسمه واتمنى دايماً تكوني مبتسمه

في امان الله

علي محـمــــــد يقول...

انا حاولت اني اعلق على مدونة محمد بس ما قدرت مايديني صفحة التعليقات خليه يشوف المشكله ايه

في امان الله