BLOGGER TEMPLATES AND TWITTER BACKGROUNDS »

بوسي

3/05/2009

رسمـــــــــاتي



رسمـــــــــــــــاتي


السلام عليكم ورحمة الله وبركاتة

*************


قبل كدا كنت نزلت لرسماتي بوستين بس بطلب من أصدقاء ليا هحطهم تاني وأزود عليهم رسمات تانية

رسماتي دي من وأنا في أول إعدادي لحد دلوقتي يمكن معرفش أساسيات الرسم خالص بس برسم كدا موهبة من غير تعليم اصل عندنا في المدرسة مش بيهتموا أوي بالرسم


لكن بحبه وبرسم بأساسياتي أنا وان شاء الله ناوية اتعلمة بأي طريقة ادعولي....


رسماتي وأنا في المرحلة الإعدادية (المتوسطة) :-




قلعـــــــــــــــــــــة الساحرة الشريرة متأثرة بالكرتون أوي لغاية دلوقتي بتفرج عليه بس طبعا مش زي زمان كان إدمان

الجميلة الحالمة البنوتة دي بعتبرها أنا لان عندي أحلام كتيرة أوي مش هقدر أحققها كلها عشان كدا بستخدم خيالي فأي حاجه بتمناها الخيال دا نعمه من ربنا بشكرو عليها



قاع البحر الطفولي
الرسمة دي ألوانها طفولية جدا أنا بحبها الألوان دي أوي
^رسمتها وأنا في إعدادي^



هيء هيء هيء
اقروا الفاتحة ياجماعه على روح الرسمة بنت الحلال دي
أصل المجرمين القتلة
أخويا وابن خالي محوها من الوجود
أنا مش عارفه هي عملتلهم ايه المسكينة
هههههه
دي أول رسمة ليا بالألوان المائيه (كنت في أولـــى إعدادي)
كنت مبسوطة بيها أوي
بس هي انتقلت لرحمة الله في الأجازة
إنا لله وإنا اليه راجعون








شفتوا الخزف قمة الإبداع هههههههههههههه الرسمة دي بتموتني من الدحك




أول رسم مضلع ليا كنت فرحانة بيها أوي



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



رسماتي وأنا في المرحلة الثانوية :-




أنا بعشق فلسطين بمعنى الكلمة بموت فيها وبحبها وبصراحه عاجزة أوصف حبي ليها بكلمات متكفنيش مهما كتبت..
غير كدا أعز صحباتي توأم روحي الفلسطيني إيمان (مونـــي) حبيبتي منها ..وليا اصحاب هناك ربنا يحفظهم ويحميهم
وتتحرر فلسطين
ويرفع الحصــار عن غـــــزة
قولو معايا آميييييييييييين
آمين يــــــــــــــــــــــــــــــــــــــــــــارب
....
احساسي بالعجز والشلل المعنوي بيقهرني جدا
نفسي أقدم حاجة لفلسطين نفسي أساعدهم ..
من صغري وأنا حاسة إني جزء من البلد دي وهي جزء مني
وإن ليها واجب عليا
[يعني تقدرو تقولو إني مصرية فلسطينيـــــة(في دمي مش على الورق)]...
بس للأسف مفيش فإيدي غيــر
الدعــاء والحاجات المعنويه دي
عشان كدا أنا رسمت الرسمه دي
يعني من ضمن الحاجات المعنويه ههههههه
*رغاية أنا مش كدا *





دي بردو عن غــــــــــــــــــــــــــــــــزة رسمتها أيام لما كان القصف شغال


((طبعا لاحظتوا الفرق بينها وبين اللي فوق شبهها.. اختلاف العمر وتطور الموهبه بقى ))





متخافوش مش هرغي .. مجرد شجـــرة وجوزها مـــات هههههههههههه




دي بقى من ضمن أمنياتي وأحلامي بس الحمد لله ربنا حققلي الأمنيه دي


اللي هي أساسا يكون عندي أوضه (غرفة) لونها بمبي ( وردي )


بس طبعا مش نفس الشكل اللي في الرسمه المهم بمبيه وحلوة وكل حاجه عايزة لونها بمبي


لدرجة إن بابا قالي أنا هجيبلك عريس بمبي هههههههههههههههههههههههههههههههههه
حلوة الفكرة دي والله ..






الرسمة دي غالية عليا أوي
لإنها أكتر الرسمات اللي تعبت فيها صحيح إن فيها غلط فادح
لو حد قدريعرف ايه الغلط الشنيع يبقى يقولي ((أستاذ خالد عرف الغلط))
انا مش ملوناها بألوان عاديه
ملوناها بالــ آي شادو (ظل العين) الميك أب
وطبعا ياويل اللي يلمسها بمسح بكرامتو الأرض ..ههههههههههه لإن الآي شادو بيتمسح



أخدت مني يومين في رسمها أصلها مش عاديه دي مرسومة بالتنقييييييييييييط........ نقط.. نقط.. نقط
يعني عايزالها واحد فـاضي ورايق أوي

دي كمان بالــ....ن...ق...ط.....





خزف دا بردو بس المرد دي غير طبعا




هنا كمان في غلطه








رسمتها على غطا علبة البيتزا بس باظت مني ومنفعش إني أكملها









دي كانت رسالة مني لوحدة صاحبتي ربنا يهديها خانت عهد الصداقه وسابتني دون سابق إنذار ومن غير أي سبب


تعبت من الناس اللي زي كدا .. هي معندهاش قلب؟؟؟؟؟؟؟؟؟







دي عملتها بطلب من مدرسة العربي موضوع عن فقر الدم ربنا يكفيكوا شره ((جواها مكتوب الموضوع)) مطوية يعني ..



ــــــــــــــــــــــــــــــــــــــــــــــــــــــــــــــــــــــــــــــــــــــــ


رسماتي على الكمبيوتر بإستخدام برنامج الرســـام:-










خـــــــــــــــــــــــــلاص خلصت

جميع الحقوق محفوظة لأيــــام زمـــــان..بســمة صـــلاح..


************


تقبلوا خالص تحيــــــــــــــــــــــاتي


ألقــــــــــــــــاكـــــــــــــــــــــــم







83 التعليقات:

BAsMA يقول...

الله يابسمة

رسماتك جميلة جدا

حاولى تنمى موهبتك باى شكل
انا كمان بحب الرسم
بس برسم على قدى

ربنا يوفقك يا بسسووووووووووووووومة

بنوتة يقول...

السلام عليكم
ماشاء الله ايه الابداع ده كله؟
عجبينى جدا رسمات الخزف ربنا يحفظك؟
وتسلم ايديكى
تحياتى ليكى
وسلام

عاشقه وغلبانه يقول...

ماشاء الله
انا مش بعرف ارسم بتاتا

لما اتعصب بمسك ورقه وقلم بس بشخبط
وبحتفظ بالورق ده

مش بعرف ارسم اي حاجه خالص

الرسم نعمه وموهبه والله
حافظي عليها
وحاولي تدرسيه وتستمري
تحياتي

marmar يقول...

يا واد يا واد يا واد
ايه الرسم ده كلو يا جااااااامد
مبدعه يا ذئبه والله
عجبتني بتاعت فقر الدم اوي
فكرتني بيكي انك معنديش دم خالص يعني
ههههههههههههههههه
اكدب !!
وش بيطلع لسانه
نياههااااااااااااااهااااا
ادخلي يلا ياهو ارغي معاكي شوية
وحشتيني يا منيلة
سلللللللللللللللللللللللللاااااااااااااااااااااااااااااااااااام

إشراقة أون لاين يقول...

الله يابسمة بسم الله ماشاء الله فنانة بجد واحساسك عالى جدا وغن نم على شئ فإنما ينم على ذوقك العالى..تحياتى اخوك محمد
بالنسبة للأنشودة اسمها من جد وجد

المعتصم يقول...

بسم الله الرحمن الرحيم
السلام عليكم ورحمة الله وبركاته
بسمه
تحياتى
اممممممممممممممممممممممممم
يعنى هنمشيها تعرفى ترسمى
هههههههههههههههههههههههههههههههههه
بس ايه ده فيه حد يرسم الشمس مدورة ويرسم خيالها فى البحر مش مدور برضو
وكمان فى الصورة التانيه المفروض انه يبقى تحت الشمس البحر مش الرمل ياناصحه هانم
.............
بس بجد الرسومات حلوة خالص وايدك بتعرف تعبر بالالوان
ياريت تحاولى تدرسى فى الموضوع ده شويه
تحياتى ودمتى بكل خير وود
(اه وابقى سلميلى على ابى الشمقمق)
والسلام عليكم ورحمة الله وبركاته

بـسـمـــة صـــــلاح يقول...

لسلام عليكم ورحمة الله وبركاته
~~~~~~~~~~~~~~~~~~~
BAsMA :
انتي اللي كميله والله
ويوفقك يارب
نورتيني يابسومة
ـــــــــــــــــــــ
بنوتة :
ربنا يخليكي يابنوته
الله يسلمك
نورتيني والله بمروك
ــــــــــــــــــ
عاشقه وغلبانه:
واخيرا نورتي
اه فعلا هو نعمه كبيرة
بس عجبتني اوي انك بتحتفظي بشخابيطك
بتعملي زيي
افتكرت انا بس اللي بعمل كدا
ان شاء الله هحاول انمي الموهبه دي
نورتيني مرة تاني
ـــــــــــــــــ
marmar :
يابت يابت يابت
بت لما تبتك ههههههههههههههه
ياسلام فكرتك بيا عشان انا معنديش دم
بقى كدا
حاضر ان مامصيت دمك يابربر
منا الذئبه الكببنه غنية عن التعريف(وش مكشر ويخوف)
بت انتي عايزة تتضرب والله
ضلمتيني آآآآآآآ(وش مطلع لسان)
ــــــــــــــــــ
إشراقة أون لاين :
دا من ذوق حضرتك والله ياأستاذ محمد
نورتني بمرورك
شكرا على اسم الأنشودة
ـــــــــــــــــ
المعتصم:
ماشاء الله تبارك الله ياأستاذ
طلعت القطط الفاطسه من الرسم
والله العظيم حضرتك فظيع ماشاء الله بجد
ان شاء الله ابقى اتعلم وارسم احسن من كدا
وعلى فكرة الصورة بتاعة البحر والشمس الغلط اللي فيها انا انا عامله ظل النخلتين في وش الشمس بدل ما اعملهم العكس
نورتني بمرورك الكريم
ـــــــــــــــــــ
نورتوني كلكم والله وبفرح بتعليقاتكم جدا
~~~~~~~~~~
ألقــــــــــاكم
*بســـومة*

اسلام الشربينى يقول...

بسم الله الرحمن الراحيم


ب س م ة :)


حقا ابداع

مقدرش اوصف جمال الرسم



ماشاء الله ربنا يحميكى يا رب


وهفضل اقول ........

احيانا يعجز السان عن لتعبير من شدة الجمال


تحياتى ليكى

norahaty يقول...

صباح الفل
صباح الورد
صباح الجمال
رسومات جميلة
وروح اجمل منها
تظهر فى كل كلمة ورسمة
تسلم الايادى (والعيون )
اللى عملوا كل الجمال ده.

norahaty يقول...

انا كان لىّ فى الزخرفة
زمااااااااااااااااان
لكن رسم الاشخاص :(:(:(

norahaty يقول...

ولىّ كمان تعليق على
التقديم اللى انتى عامله
لنفسك او التعريف بكِ عارفة
انا فعلا حاسة بكِ فى موضوع انك عرفتى
ناس كتير فى الغربة ومش ممكن حتقدرى تنسيهم ابداً :(انا كمان والله
ما بيسبونى ولا لحظة ولو اكتب
مهما اكتب عنهم مش حأخلص
فى الغربةايام وذكريات
لا تمحى ولا تنسى ابداً

norahaty يقول...

وزى ما قالت لكِ
BAsMM
حاولى تنمى
موهبة الرسم دى
لانك فعلا موهوبة فيها :)

norahaty يقول...

....لأبقى كفاية كده
انا رغيت كتير مش معقول
امشى احسن ما تأخدنى عنى فكرة
كده ان انا رغاية ولا حاجة :)

كاتب مصري يقول...

ماشاء الله
الله يا بسمة جميل قوي الفن والإبداع ده انتي بجد رائعة ورسامة هايلة
بجد ماشاء الله
لازم تفضلي تنمي الموهبة دي وتفكري من دلوقتي انك تعملي معرض في يوم من الأيام
والله انتي كنز وثروة يعني الي هياخدك هيكسب من وراكي دهب هههههههههههههههههههههه
ههههههههههههههههههه
مودتي

*shosho* يقول...

ايه ياثكرة ياللي قاعدة تنشري الغسيل دلوقتي لوحدك الابداع دا
هههههههههههههههههههه
انا طبعا مش محتاجه اعلقلك هنا لاني علقتلك على كل رسمة من أول خط رسمتيه فيها لحد ماخلصت
يعني رأيي معروف رسماتك كلها ياحبيبتي بشعة أصدي تجننننننننن
واكبر دليل اني قاعده مجنونة هنا اهو
ههعهعهعهعهعهعهع

مع السلااااامه اها احلا ابتسامه اها
ههههههههههههههههههههههههههه

سلام ياصاحبي...

romansy يقول...

والله انتى فنانه بجد
رسوماتك كلها هايله وبسيطه فى نفس الوقت
انا ندمان انى مزوتش المدونه من زمان

احساس طفلة محبة للرومانسية بس واقعية يقول...

واااااااااااو عندك موهبة جميلة جدا
عجبتنى الرسومات اللى فيها ورود اوى
استمرى

تقبى مرورى

saragebaly يقول...

ماشاء الله عليكي يا بسمة

رسمك غاية في الابداع والجمال بجد

ربنا يحفظلك موهبتك الجميلة

وحاولى تنميها اكتر واكتر

انا للاسف مش بعرف ارسم نهائي

بس بحب اتفرج على الناس وهما بيرسموا

واحب اتفرج على الرسومات واسرح فيها

كذا رسمة عندك سرحت فيهم جامد

يارب يديم عليكي ابداعك الجميل

تحياتي لاجمل بسمة وكل الحب

سارة

ساره يقول...

بسمة انتي بجد موهوبه ماشاء الله عليكي

كلهم حلوين بس اكثر وحدة عجبتني اللي بالشادو جنان

استمري والله يحفظك

Tamer Nabil يقول...

السلام عليكم

الله عليكى بسمة

رسومات جميلة اوى


ان شاء الله تتعلمى اصول الرسم

وهتبقى رسامة محترفة


ربنا يكرمك ويوفقك

تحياتى

دينا حامد يقول...

ايه يابت الفن ده؟ والله رسوماتك رائعه
ولو استمريتي هتبقي فنانة بجد
ياريت كل ماترسمي حاجة تدرجها علشان نشاركك فيها

طلعتي موهوبه وانا ما اعرفش d:


تحياتي

زوجة عنيدة يقول...

الله يا بسمة

رسمك تحفة اية الجمال دة

يا بنتى الرسم مش عايز تعليم دى موهبة عند الانسان

بس بجد تسلم ايديكى

تحياتى

eyad يقول...

رسمك قد ايه معبر
محتاجه اتقان شويه
في شويه اخطاء
يعني مثلا عمرك مشيتي وفوشك الشمس ولاقيتي ظلك قدامك طبعا ميحصلش الظل في اتجاه الاضاءه دايما خلي بالك
عدلي الاخطاء دي
ايديكي حلوه في الرسم محتاجه تثبت شويه
وشدي حيلك

اصحى يا مصر : اسلام ديو يقول...

بسمة انا اسف بجد ان ردى جه متأخر
بس جه متأخر لسببين
الأول لتحضيرى للجزء الأخير
التانى انى بجد مش مصدق عينى
لازم تعليق لكل رسمة فى دول
دول قمة الفن التشكيلى ، ولله مش بهظر
قــمــة الـفـن الـتـشـكـيلـى
وكمان ولا غلطةبسم الله ماشاء الله
من الاضاءة لحد التظليل
ولا غلطة
يعنى انا ببص عليهم وانا مستعحب بجد
برنامج الرسام مش سهل وانتى عملتى عليه شغل جميل

ولله مستعجب
بسم الله ماشاء الله
بجد فنانة
مش هقدر اقول غيركدة !!!!

لجين أبو الدهب يقول...

ما شاء الله .. تبارك الله ..

ايه الجمال ده يابسومة ..

لا بجد ما شاء الله انتى موهوبة جدا ربنا يبارك فيكى ..

لو نزلتى كلية فى مصر هاتلاقى الكليات هناك بتعمل معرض فنى للطلاب ابقى حطى صورك ان شاء الله ..

اكيد هاتفوزى بجوايز ..

انا بحب الرسومات جدا علشان انا بحب ارسم وبرسم رسومات برده بس الصراحة مش بالابداع ده ..

تسلم ايدك ..

بحبك فى الله ..

salah يقول...

ببس لأبوه: أسعدك الله يابنيتي ووقاك شر الساحرة، وحقق لك أحلامك فما من شئ عزيز على الله سبحانه وتعالى، أعمال رائعة تدل على إحساس مرهف ، وذوق عالي،نفع الله بك، مع تحيات أبي الشمقمق

مبتسمة دائما يقول...

ما شاء اللة رسةماتك حلوه اوي وخطك يهبل وانا معجبة بيكي اوي

hasona يقول...

السلام عليكم

بسم الله ماشاء الله
الرسومات جميلة جدا

فعلا لكل مرحلة رسوماتها الخاصة
وأحلامها المتواضعة

ربنا يوفقك ويكرمك وتحققي كل أحلامك وأمنياتك


تحياتي

smart_mody يقول...

السلام عليكم

الحقيقة روعة كتير كتير كتير

سوري عالتاخير
فرمت الجهاز وتهت بالمدونة فتت على http://ayamzaman2008.blogspot.com

وطلع 2009 مو 2008 هههههه

بس كتير روعة والله بدون دراسة طلع معك هالشغل الحلو

ادرسي بالجامعة فنون بتزبط معك كتير

سلام

كيــــــــــــارا يقول...

دا انتي فناااااااااااااااااااااااااااااااااااااااااانه قليله عليكي

ربنا يحفظك

بـسـمـــة صـــــلاح يقول...

اسلام الشربينى :
ربنا يكرمك ويخليك يااسلام
كلامك يرفع الروح المعنوية
والله
نورتني بمرورك

بـسـمـــة صـــــلاح يقول...

norahaty:
تصدقي انت عسل اوي وحبيتك كدا لله في الله
يارب زياراتك ليا متتقطعش
نورتيني وارغي زي ما انت عايزة المدونة مدونتك

بـسـمـــة صـــــلاح يقول...

كاتب مصري :
شكرا ليك ياأستاذ إبراهيم
والله كلامك يشجع فعلا
بس انا لو عملت معرض كدا رسماتي مش هشوفها تاني لو اتباعت
وانا مبحبش حد يلمس رسماتي يبقى ازاي ابيعها
ممكن اخلي الناس تتفرج واكتب ممنوع اللمس
ههههههه
انا ان شاء الله هحاول انميها واحسنها
ربنا يساعدني
محتاجه بس دعاء

شرفتني بمرورك

بـسـمـــة صـــــلاح يقول...

*shosho* :
اشمتي اشمتي
انا منحورة في الغسيل والنشير في السطح
وانتي قاعده على اللاب توب
ماشي ياهانم
وبتقولي بشعه كمان
حسابك عسير مانجا معايا
ضلمتي

بـسـمـــة صـــــلاح يقول...

romansy :
ياه بقالك زمان مجيتش ياأستاذ أحمد نورت المدونه
شكرا دا من ذوق حضرتك ربنا يكرمك
شرفتني بمرورك

بـسـمـــة صـــــلاح يقول...

احساس طفلة محبة للرومانسية بس واقعية:
ربنا يخليكي ياطفلة
هستمر بإذن الله ومش هبطل ابدا
حب الرسم بيجري في دمي
نورتي والله

بـسـمـــة صـــــلاح يقول...

saragebaly :
ربنا يخليكي ويسعدك ياسارة كلامك يفتح النفس
امين يارب
بس باين عليكي بتحبي الرسم ليه متجربيش؟؟؟
فكرة حلوة جربي مش هتندمي والله
نورتيني
ياريت متكونش زيارتك الأخيرة

بـسـمـــة صـــــلاح يقول...

ساره :
ألف حمد لله ع السلامه ياأحلى سوسو
تصدقي والله اشتقتلك
نورتي المدونة

بـسـمـــة صـــــلاح يقول...

Tamer Nabil :

يسمع منك ربنا يارب
ربنا يخليك يا أستاذ تامر
شرفتني بمرورك

بـسـمـــة صـــــلاح يقول...

دينا حامد :
اه يابت فن ونص وتلت تربع كمان
وهكون فناه قد النيا واتكبر عليكي
واخليكي البودي جارد بتاعي
هع هع هع هع هع

اكيد طبعا اي رسمه ارسمها ان شاء الله هحطهالكوا عشان تملوا عينيكوا بما ترسمه أناملي الرقيقة
هههههههههههههههههههه

نووووووووووووورتيييييييي يادندن
بس ايه رايك في الدلع دا؟؟؟؟

بـسـمـــة صـــــلاح يقول...

زوجة عنيدة :

واخيرا نورتي ياعنيده ياعسولة مش مصدقه نفسي والله
دا انا قلت خسارة مش هنكون اصحاب
مواضيعك بتشغلني كتير جدا على فكرة والله ببقى نفسي اساعدك اوي
ربنا يسعدك يارب ويوفقك
نورتيني بجد

بـسـمـــة صـــــلاح يقول...

eyad :
ماشاء الله على حضرتك دقيق الملاحظه
بتبسط لو لقيت فعلا نقد يفيدني
منا بسبب الرسمه دي بقيت اخد بالي من الظل وحاجات كدا
هو انا فعلا محتاجه اتقان مش شويه بس لا كتير كمان

ربنا ييسر وازبط ايدي واتعلم الرسم بأصوله
نورتني بمرورك

بـسـمـــة صـــــلاح يقول...

اصحى يا مصر : اسلام ديو :

أستاذ اسلام متعتذرش المهم ان حضرتك جيت
حضرتك رسام والكاريكاتير اللي بترسمه بيبهرني
وبجد كنت مستنيه رايك اللي بجد اسعدني وفرحني

بجد نورتني

دينا حامد يقول...

ايه الدلع ده يامعلم بودي جارد مرة واحدة
طيب انا موافقه بس بشرط المكسب بالنص D:

طيب في انتظارهم ياباشا بس لو في صورة ماعجبتنيش هيبقى حسابك عسييير ماتنسيش ان ليا النص فيها


يلا ورينا الشغل

تحياتي

aidy يقول...

جميلة يا بسمة الرسمات كلها

بجد انتى موهوبة يا بنتى

انا بحب الرسم اوى

هبقى اوريكى رسماتى عندى بقي :))

بس انا مش بلون بالوان مية اكترية الرسمات بتكون بالرصاص

ابقى قوليلى بتلونى بإيه :))

وإزاى :))

يلا يا رسامة يا مبدعة

ألقاكى على خير

تحياتى ,,

بـسـمـــة صـــــلاح يقول...

لجين أبو الدهب :
لوجي هنا اهلا اهلا
ربنا يبارك فيكي يارب ويحفظك ويسعدك
والله يالوجي انتي اللي قلبك جميل بحبك في الله اوي
ربنا ييسرلي ادعيلي الاقي حاجه كدا تساعدني
بس انا حابه اشوف رسماتك بقى بأي طريقه
اكيد لوجي رسماه يعني حلو
خليكي واثقه في نفسك
الله يسلمك ياحبيبتي
نورتي المدونه

بـسـمـــة صـــــلاح يقول...

salah :
بــــــــــابــــــا
بابتي
يادي الهنا يادي النور
اتاريني بقول المدونه منورة
ازيك يابابتي وحشتني مش بنشوفك ليه ياراجل
خخخخخخخخخخخخخخخ
ميرسي يابابا عشان عرفاك مبتحبش الكلمه دي هغلس بقى عليك
نورتني وشرفتني وكترتني

بـسـمـــة صـــــلاح يقول...

مبتسمة دائما:

تصدقي انتي عسل اوي مش مجامله والله بس كلامك حسسني بكدا انا مبحبش المجامله ابدا
انتي الوحيده اللي اخدتي بالك من خطي
والله بسطتيني لقيت
نورتيني يارب متكونش زيارتك الأخيرة
واالنيك نيم جميل جدا
ويبعث في الواحد روح التفاؤل

بـسـمـــة صـــــلاح يقول...

hasona:

وعليكم السلام
امين يارب
وانت كمان
شكرا اوي على الدعوات الجميله دي
نورتني يارب متكونش الزيارة الاخيرة

بـسـمـــة صـــــلاح يقول...

smart_mody :

وعليكم السلام
شكرا كتير لحضرتك

لا مش مشكله الحمد لله انك وصلت ل2009

شرفتني بمرورك

بـسـمـــة صـــــلاح يقول...

كيــــــــــــارا:
كيارا بنفسها عندنا يابختنا يابختنا
ايه يابنمتي انتي هتعملي زي المرخ يطلع في السنه مرة
هع هع هع هع
وحشتيني
ربنا يكرمك ياسكورة يارب
نورتيني

بـسـمـــة صـــــلاح يقول...

اعلق بقى لنفسي
ايه ده يابسومه رائع رائع رائع
غلبتي بيكاسو والله

هههههههههههههههههه
ثقه جامده موت


نورتوني كلكوا والله وشكرا لزيارتكم ليا
تحيــ بسومةـــاتي(:
ألقـــــــاكـــــم

بـسـمـــة صـــــلاح يقول...

دينا حامد :
مش هديكي حاجه انا طماعه اوي
وهخليهم لنفسي وبس
روحي يابت روحي
شوفيلك حد يديكي غيري
ههههههههههههههههههههه
انا جلللللللللللللدة
مواهاهاهاهاهاهاها

بـسـمـــة صـــــلاح يقول...

aidy :
اهلا اهلا بالسنيورة
ازيك عامله ايه
صلحتي تغليقاتك ولا لسا يا استاذة
اه هستنى رسماتك على احر من الجمر
بس على فكرة انا مش بلون الا بألوان خشبيه عاديه واللي بالمائيه بسيط جدا زي ما انتي شايفه كدا
وبحب ارسم والون بالرصاص اوي
بيبقى مميز بر
و
نورتيني وكترتيني

موناليزا يقول...

ماشاء الله
رسوماتك تحفة بجد اللى هى اكتر من الجميلة بشويتين:)
ربنا يزيدك من فضله
جاولى تنميها باى طريقة

GiGi يقول...

ماشاء الله بجد رسمك جميل وصادق قوي
بحبك ياقمر ربنا يزيدك فى موهبتك يااااارب

norahaty يقول...

كل لحظة وانتى طيبة يابسمة

إشراقة أون لاين يقول...

أختى بسمة معلش أعذرنى عندى تعليق تانى
القالب الأول أظنه أفضل من القالب ده
والكلام ده من وجهة نظرى وممكن يكون خطأ ودى طبعا أذواق
معلش طولت عليك
اخوكى محمد

ايمان روحي يقول...

هييييييييييييه التعليق 56ههههههههههه
مبسوطه بنفسي كتير
بس بجد سومه الرسمات رووووووووووووعه اكيييييييييد لازم يكونو روعه مش صحبيتي تتعلمي مني
هههههههههه
لو مكنتيش بارعه متلي اكيد كنت هسيبك هههههههههه لا بس جد مش عارفه شو احكي لانو كل رسمه ولله الحمد كنتي بترسميها معي وقدامي وياااااااااامه حصص الفنيه اشتكت منا هههههههه خصوصا المعلمه كانت صبورة معنا كتيييييييير
تحيـــــاتي يا حيـاتي

maha zein يقول...

ما شاء الله ولا حول ولا قوة الا بالله العلي العظيم
رائع رسمك

بسم الله ما شاء الله
بجد
تسلمي
وعلي صغر سنك

انا كمان بعرف ارسم
بس مش بالجمال ده
تسلم ايدك

مرهف الاحساس يقول...

ماشاء الله عليكي يا بسمة رسامة درجه أولا والله يوفقك أفتحي محل رسم.. الرسم أحيانا بيعبر عن يلي جوات الانسان والله يوفقك وتزوري فلسطين لو مره ,,,

مرهف الاحساس يقول...

وأن شاءالله تقبلوني كصديق جديد لأني أحب الرسم بس ما بعرف أرسم ههههههههه ....

دينا حامد يقول...

يانهار ابيض ع البخل
مش عايزة حاجة اعوذ بالله منك

بس مش مسمحاكي قلبي وصوابعي غضبانين عليكي :D

تحياتي

assafo anaroze يقول...

رسومات جميلة انت مبدعة بحق
اتمنى انك تتوفقي في مسيرتك و تكوني رسامة كبيرة وتكون قضايا الشعوب المظطهدة زي فلسطين من اهتماماتك
و مشاكل العوب من فقر و ظلم و استبداد تكون نصب عينيك في رسوماتك
ربنا يوفقك
مودتي
دعوة للتواصل مع مدونتي

ghorBty يقول...

الله الله الله

بسم الله ما شاء الله

عايزه تتعلمي انت افتحي مدرسه وتكوني انت الاستاذه بس برضوه حاولي تنميها لان الاساس موجود ولله الحمد

بجد مبدعه الله عليك موهبه جميله بجد

انا بحب جد الرسم بالرصاص ومن غير الوان تلاقيني دايما ببحث علي النت واحفظهم عندي واحب ابص عليهم دايما مش عارفه ليه

وصورة البنوته الحالمه فكرتني بنفسي اصلي انا كمان مش ورايا اٍلا الخيال شكلي اتعديت ورغيت كتير :)

يسلم ايديك وان شاء الله في تقدم مستمر

اسعدني جدددددددا مروري بمدونتك

وبوصلك السلام من فلو جيرل ( اختي ) ادعيلها اصلها مشغوله في الكليه

*_*

مع السلامه يا عسل

elsha3er يقول...

بسم الله ماشاء الله نمسك الخشب

بصى بقى حاجات حتنفعك وعن تجربة اولا بما اننا فى مصر يبقى تنمى نفسك بنفسك لان ما فيش حد حياخد بأيدك غيرك لازم تكونى واثقة من نفسك واوعى حد يحاول يعطلك حاولى دايما تشوفى اماكن جديدة غير اللى انتى اتعودتى عليها جناين بحر كدة لان دة بيساعد على الامتداد الفكرى للفنان

واخيرا ارجو ان تقبلى الدعوة لاننا فى حاجة لمثلك فى جريدة المدونين التى هى الان تحت الانشاء

تحياتى

احمد الشاعر

العراف يقول...

رسماتك جميله يا بسووووم والله ليكى مستقبل فى الرسم الخيالى لمساتك حلوه بس بس محتاجه تتخصصى فى لون معين عشان تبدعى فيه لانى شايف موهبه غير مكتمله بجد مدونه جميله ويشرفنى زياتى ليها

رابطة مدونون من أجل فلسطين يقول...

اختى الفاضلة يشرفنا تواجدكم بالرابطة وايضا نتمنى منك وضع لوجو الرابطة بمدونتكم ولوجو حملتنا بايدينا ندفع الخطر للدفع عن المسجد الاقصي الشريف

مدونة ع نوتة ( اخوانجى ) يقول...

بجد المدونة دى جميلة اوى يابسمة وانا اسلام منشد اسلامى وانتى بجد رسمكجميل جدا انا فى ثانوية عامة ومكافح فيها

kalamfady يقول...

والله رسمات جامده فكرتينى بايام زماااان

شباك موارب يقول...

بسومه ايه الجمال ده؟
بجد رسومات جميله جدا
وصدقيني انتي عندك موهبه عاجباني اوي الاوضه اللي انتي راسماها

تمااااااااااااااااااااااااام

تقبلي مروري واعذريني لقله دخولي على النت

maioya يقول...

تحفه ماشاء الله
عجبني رسمه الرسام
بتاعه القمر
جميله اوي
ربنا يوفقك في الموهبه دي

ريمان يقول...

السلاااااااااااام عليكم

ايه ده ايه ده

ما شاء الله
بجد راااااااااائعه جدا


انتى فعلا موهوبه يا بسمه والله

جميله اوى كل الرسومات عاجبانى جداااااا

عجبتنى اوى بتاعه غزه اللى فيها حمامه

واللى بالتنقيط دى تحححححفه

( بقولك ايه ابعدى عن عريسى احسن لك وهو بيحبنى وانا بحبه ومش ممكن يسيبنى ويخطبك انتى )

ههههههههههههه

هو لا يرضى عنى بديلااااااااااا

بـسـمـــة صـــــلاح يقول...

موناليزا :

ربنا يخليكي
بس عجبتني كلمتك دي اوي
تحفة اللي هي اكتر من الجميله بشويتين
هههههههههه عسل والله
ان شاء الله هنميها
نورتيني بمرورك العسول
ــــــــــ

GiGi :

امين يارب يسمع منك ربنا
وانا كمان بحبك في الله ياحتة سكرة
نورتيني ياحبيبتي
ـــــــــــ

norahaty :

وانتي طيبه يادكتورة ياعسوله
نورتي المدونه
ـــــــــــ

إشراقة أون لاين :

لا ولا يهمك يا استاذ محمد
انا طبعا يهمني رأي زواري لإنكهم اللي بيجوا واكيد اهتم باللي يريحهم
ومطولتش ولا حاجه

شرفتني بمرورك
ــــــــــــ
ايمان روحي :

ايمان الرخمه
اهلا اهلا اهلا
كل دا رغي
ايه فتحوا المدونه لحسابك ياهانم
مسموحلك عندي بكلمتين بس في التعليق ولا اقولك
هخليهوملك حرفين عشان انتي غاليه على قلبي المسكين
هع هع هع هع
وبعدين ال ايه مبدعه زيك ال
ياستي روحي بلا مبدعه
انا مبدعه كدا من نفسي
مواهاهاهاهاهاها
روحي يامان ربنا يخلي ابراهيم يغلس عليكي
نياهاهاهاهاهاها
ضلمتي المدونه يانيله
ـــــــــــــ

maha zein :

اهلا ياميهو
نورتيني بوجودك والله
ربنا يكرمك على الإطراء الجميل دا
نورتيني يارب متكونش زيارتك الاخيرة
ـــــــــــــــ

مرهف الاحساس :

ربنا يخليك يارب دا من ذوقك
ربنا يقدرني واقدر استغل موهبتي دي بعد ما انميها ان شاء الله
واكيد الرسم بيعبر عن اللي جوا الانسان ولا مكنش للرسم معنى ولا طعم

وربنا يسمع منك واروح فلسطين لو حتى مرة
واكيد اقبلك صديق للمدونه
نورتني بمرورك الكريم
ـــــــــــ

دينا حامد :

مواهاهاهاهاهاهاها
بت انتي
بتتعوذي مني لييييييييييه ان شااااااااء اللــــــــه ياااااااختشي
هع هع هع هع معلمة ردح كدا من اللي يحبوا قلبك
ههههههههههههههههه
يانهار ابيض ع البخل
مش عايزة حاجة اعوذ بالله منك
الله الله الله
كمان صوابعك المفعصه مش راضيه عليا
ياشيخه اجري ال صوابعك ال
ههههههههههه
بس بجد عجبتني الجمله دي انا هستخدمها على طول وعلى عرض
جبتيها منين يابت
اصل انا عارفه ان انتي اساسا دمك مش خفيف ويلطش اعوذ بالله
ههههههههههههههه
بهزر طبعا دا انتي عسوله جدا
كفاية رغي بقى تعبت
نويتيني
ــــــــــــــــــ

assafo anaroze :

جزاك الله خير
ان شاء الله ربنا يقدرني ويوفقني في الموضوع دا
واقدر اوصل لأهداف ساميه بالرسم
امين يارب آمين
وان شاء الله ازرو مدونة حضرتك
ـــــــــــــــ

ghorBty :

ايه ده ايه ده ايه ده
اخت فلاور جيرل
بجد والله
احلى خبر حاجه حلوة بجد
عساسيل والله انتوا الاتنين
سلميلي عليها اوي لانها وحشتني جدا
وربنا يوفقها في الجامعه خليها تطمني على نتيجتها

ههههههههههههههه
حاضر هفتح مدرسه وانتي اول تلميذه ولو مرسمتيش حلو في ضرب بالخزرانه
ههههههههههههه

وانا بردو بحب الرسم بالرصاص جميل جدا بيعجبني اوي

ههههههههههههه اتعديتي مني من كتر الرغي
بقى كدا بتعترفي ان انا رغايه ماشي ماشي
ههههههههههههه
عسل انتي ياغربتي والله

يارب تتبسطي بمرورك عندي دايما ومتقطعيش

نروتني جدا وعيني اتقعت من كتر النور
ــــــــــــــــــ

elsha3er :

هههههههههه ربنا يخليك
وبجد بجد بشكرك على النصايح الغاليه دي

طبعا اقبل وسعيده جدا بكده يارب تخلص الجريده واكون معاكوا فيها دي حاجه تسعدني جدا طبعا


نورني مرور حضرتك
يارب ميكونش مرور اخير
ــــــــــــــــ
العراف :
ربنا يخليك ياعراف
ان شاء الله يسمع ربنا منك
فعلا محتاجه لتخصص ربنا ييسرلي يارب
نورتني بمرورك الطيب
ــــــــــــــ

رابطة مدونون من أجل فلسطين :

وانا كمان يشرفني
وان شاء الله هضيف اللينك عندي
يارب يقدرنا على نصرة الاقصى
والدفاع عنه
ــــــــــــ

مدونة ع نوتة ( اخوانجى ) :

اهلا وسهلا بالمنشد انا بحب الانشاد جدا
وربنا يخليك على مدحك اللي رفع روحي المعنويه

ويارب يعين الغلابه المكافحين اللي في الثانويه اللي زينا
ويوفقنا ونجيب مجاميع حلوة يارب
شرفني مرورك
ـــــــــــــ

kalamfady:

والله انتي اللي جامده
هههههههههههه
شرفني مرورك الطيب
ــــــــــــ

شباك موارب :
شباك هانم
اهلا اهلا
يامنرنر
خدي الاوضه ايجار في الشهر مليون دولار رخصتها عشان خاطر انتي صحبتي وغاليه عليه واديتك الميل وضفتني ومفتحتيش ولا مرة
هههههههههههه
هنعذرك بقى ما انتي غايه نعمل ايه
تسدئي والله مع اني معرفكيش بس الارواح تآلفت بقى
نورتيني ياحبيبتي
ـــــــــــــــ
بجد بشكر كل اللي علقولي وابدوا رايهم ونصحوني ودعولي ربنا يخليكوا ليا يارب
دمتم بكل ود
ألقـــاكـــم
تحيــ بسومةــاتي(:

بـسـمـــة صـــــلاح يقول...

maioya :
اهلا بالزوار الجداد المودنه نورت
امين ويوفقك انت كمان يارب
شرفني مرورك
ــــــــــــــ
ريمان:
ههههههههههههههههههههههههه
امشي يابت امشي
انتي جايه عشان كدا
مفيش امل اتنازل ابدا ابدا
دا خطيبي انا
ههههههههههههههههههه
وبعدين انتي كبيرة عليه اوي
هتعجزي بدري
انا لسا صغنونه
وهو يارورو ياعسوله يقدر يستغنى عنك
متاخديش في نفسك مقلب ياحبيبتي
هههههههههههههههههههه
نورتيني ياعسوله هانم المقهورة

معتز شاهين - باحث تربوي يقول...

بجد موهبة رائعة ربنا حيسألك عنها لو منمتهاش واهتميتي بها وخدمتي دينك بها
ربنا يوفقك

وأدعوك لزيارة مدونتي والمشاركة فيها

Zika يقول...

عليه الصلاة والسلام
بصي هو مزيج من الحقد عندي من صغري علي كل اللي بيعرفوا يرسموا
بس انتي مش هحقد عليكي
لاني خلاص بطلت احاول ارسم هههههه دي كانت فتره وراحت لحالها
رسومات حلوه جدا بجد يعني رائعه

ايمان روحي يقول...

ههههههههه
ايه ده يارخومه ياتنت سومه
كدة بتعاملي الزوار
لا دنتي .....
ولا بلاش انا بحترم اللي اكبر مني
هههههههههههه
ال ابراهيم ال
شو هاد يارب
ههههههههههههههههه
حتي انتي
كلوكوا عليه ولا ايه
هههههههههههههههههههههه
والمدونه عحسابس وصحبتها كمان ولو مشعاجبك
انتي حرة
غصبن عنك ياااهاااانم
هدخل ورغي واعمل كل حاجه
تحيـــاتي

أسير الجراح يقول...

بسم الله ما شاء الله


بجد تحفة

وجميلة جدا

تسلم اديكى يا قمرايا

كل التقدير

اسير الجراح

aidy يقول...

بسومة

انا الكل بيعلق عندى عادى الا انتى

انا مش عارفة ليه

على العموم جربى تانى ولو معرفتيش هحاول اسال حد متخصص فى الحاجات دى وليه فى المدونات :(

جارة القمر يقول...

ماشاء الله
رسوماتك جميلة اوي يابسمة
ربنا يوفقك وتحققي كل اللي بتتمنيه
تحياتي لكي

مصراوي أوي يقول...

بارك الله فيكي

يارب دايما تستخدمي موهبتك في كل ما هو خير

zainab يقول...

ياااااااااااااااااااه يا بوسى وحشتينى ووحشتنى لوحاتك