BLOGGER TEMPLATES AND TWITTER BACKGROUNDS »

بوسي

4/25/2009

إبدعات بسومة النعومة (3)


كانت الفترة الماضية مليئة بالأحداث ورسمت فيها كمية كبيرة من الرسمات منها ما استطعت تصويره أما الباقي فلم تحظى كاميرا هاتفي بتصويره وذلك لأسباب سأذكرها ...

كل الحكاية منذ شهر تقريبا نادتني إحدى مدرساتي وهي غالية على قلبي (أبلة حصة) وطلبت مني أنا وطالبتين معي بأن نتكفل بالرسم على جدران المدرسة

والسبب انه بعد 3 أسابيع ستأتي لجنة تفتش المدارس وكيفية نظامها ومنظرها (آل مدراس آل وهي مدرستنا دي مدرسة دي عمارة اربع شقق)


وطبعا بما إن أختكوا الفنانة بيكاسو (إلي هي أنا طبعا وبكل غرور وثقة) فرحت كثيرا فأنا أحب المغامرات وخاصة في الرسم


فهذه أول مرة لي سأرسم بحجم xxl ولكن انتابني خوف شديد فأنا دائما مايصاحب فرحتي خوفي الذي أحاول أن اتركه بأي طريقة


احضرت المدرسة بعض الأدوات ولكن الميزانية لم تسمح بإحضار الأدوات كلها فاضطررت بأن اخترع ما يناسبني للعمل (جينياس يعني عبقرية بردو)


بدأت الفتاتان بالرسم وقاربا الإنتهاء أما أنا فلم تأتي لي أي فكرة ( دماغي بتيجي فأوقات وتتصدر محتاجة إعادة تربية)


بعد ذلك منّ الله علي* بلاب توب* المديرة واقتحمت المواقع لأرى أفكار مناسبة لتزيين المدراس فأنا لست خبيرة في ذلك (أنا خبيرة طبعا بس بتواضع )

ووجدت ضالتي ...(بصراحة مش أنا اللي اخترت الرسمة دي أبله" حصة" هي اللي اختارتها أما أنا مكانتش عجباني)

وغصبت على رسمها وما باليد حيلة .. ناديت توأمي الحبيب (البت إيمان روحي الرخمة اللي هي صاحبة مدونة ليت الزمن يرجع ..مش هيرجع والله ياحبيبتي هع هع هع) لتقف بجانبي وتواسيني كان الحائط بجوار غرفة المدرسات (ياسلااااااااااااام سامعه كل حاجه بيقولوها)

وبدأت الرسم في الأسبوع الأخير بعد أن حاولت إقناع نفسي العنيدة (وقلتلها :عيب يانفسي دا مش وقت عناد احترمي

نفسك يانفسي و ارسمي مفضلش غير اسبوع واحد)


وبدأت برسم شجرة ذات جذع كبير ومحاطة بالأعشاب وفراشات متعددة الألوان وكل ما يمت للطبيعة بصلة وكان الرسم


على الحائط بقلم رصاص (تعبت فعلا كان صعب أوي)


وكانت الألوان المتاحة ألوان زيتية (أنابيب مفعوصة وصغننة ) ولكني استعطت أن أقتصد في استخدامها ولكن صديقتاي (الحرمييتين )

يأتون خلسة من وراءي ليأخذوا من الألوان دون شعوري ( بس على مين دا أنا بسمه بنت صلاح كنت بقفشهم


وأمسكهم متلبسين هع هع هع) ولم تستطتع إحداهن بعد ذلك أن تقترب مني ولو لخطوات بعيده نياهاهاهاهاهاهاهاهاهاها


لم يظهر جمال رسمتي إلا بعد أنت انتهيت من تلوينها وساعدني في بعض التلوين (البت إيمان والبت أم دم خفيف أختي الشيماء صاحبة مدونة شوشو هانم)

وتلقيت كماً من الإطراءات لا حصر لها وكلما مرت أبلة "حصة" بجواري تقرصني في خداي وتقول لي: (بسومة ياعسل انتي)


تلقيت كماً من القرص في وجنتاي لا حصر له أيضا ههههههههههههههههه..... أعجبت المديرة والوكيلة أشد الإعجاب بصنيعي لا أستطيع وصف شعوري وكل من في المدرسة يعاملونني وكأنني (مش عارفة أقول وكأنني ايه بس حاجة كبيرة أوي يعني احم احم احم بس للأسف مقدرتش اصورها وااااااااااااااااااااااااء)


كدت أطير من الفرحة وكلما مررت بجوار رسمتي ابتسم ابتسامة عريضة تشق وجهي (فيتقسم نصين هههههههه) ...


في الأسبوعين ماقبل الأسبوع الأخير رسمت بعض الرسمات على لوحات كبيرة لباقي المدرسات ليعلقنها في القسم الخاص بكل مدرسة (يعني أبله)



مشكلتي هي امتحاناتي فقد تعبت كثيرا ولم أنم تلك الفترة وتعرضت لإجهاد وشد عصبي ومسؤلية كبيرة على عاتقي تكاد تقطم ظهري

وما ان انتهيت وجاءت المديرات ومدحن وأثنين على المدْرسة ( الاسكول يعني) حتى شعرت حقا بقيمة إنجازي الذي لم

آخذ مقابله إلا غضب رائدة فصلي لأنني لم أساعدها في تزيين الفصل إلا القليل وتنازعنا في الكلام مما سبب بكائي الشديد بعد أن أهانتني


أمام الجميع مما أدى إلى غضب الجميع منها فأنا أكثر من تعبت في عمل المدرسة ( والله بجد كنت هموت من القهر والعياط وأ نا متوصاش في العياط أستاذة ورئيسة قسم اللي معندهوش دم يجي وأنا اعلمه يعيط على أي حاجة وبس هع هع هع قصدي واء واء واء )


لن أنسى طبعا أن أخبركم بأن قبل كل تلك الأعمال كانت أول رسمة لي في تلك الفترة هي بانرمجلتنا الحبيبة" رؤية مصرية" التي تحولت إلى موقع رسمي الآن لها ولرئيسها "إبراهيم العدوي" ولفريق تحريرها خالص التمنيات بالتوفيق.....
************

وأسيبكوا مع أولادي وكميح الحكوك محفوسة .. يعني محفووووووووووسة عيب اللي هيمد إيده هيتلطش ويتلسع



البانر السابق لمجلة رؤية مصرية




السلة دي عملتها بفلين ملون يعني برسم واقص وألزق وألون وتعبت فيها ميغركوش صغر حجمها






ودي كمان بالفلين والجليتر (حاجات بتلمع زي فتافيت السكر) ولونت كمان لإن مكنتش كل الألوان متوفرة في الفلين زي الشجرة والسما والأرض والشمس وأجزاء من البيت دول بتلويني ... ايه اللي فضل في الرسمه متلونش ههههههههههههه







دول بالفلين بس دول عملاهم وأنا في أولى ثانوي




دول نموذجين مكبرين لغلاف الكتاب المدرسي بتاعي طلبتهم مني أبلة للقسم بتاعها وفي كتب تاني


***************



الرسمات دي بقى ملهاش علاقة بالمدرسة بس أنا رسماهم مع نفسي وحبيت تشوفوها





باستثناء دي للمدرسة بردو







ههههههههههههههههههههههههه شوفوا دي بقى احكيلوا حكايتها (( مرة كنت مخنوقة وزعلانة أوي ومش عارفة
أعمل ايه رحت فتحت الرسام
ودي عادة عندي بعملها لما بزعل.. وبدأت ارسم وبس ورسمت الرسمه دي ..... بس ايه رايكوا في الثقة دي جامده
مش كدا))
......................
ملاحظة: في رسمات تاني بس بلوجر بيلعب بعداد عمره ومش محترم نفسه ومش راضي يحطهملي
اصل هو ميعرفش ان في غيره محترمش نفسه واهله بيدورا عليه لحد دلوقتي
هع هع هع هع هع
يارب ميكونش بوستي دايقكم وتكونا اتبسطتوا
أخيرا وليس آخراً
ألقاكم أحبتي في الله في الجنة
تحياتي يا اخواتي





26 التعليقات:

MaNoOoSh يقول...

بصى بقى وبدون مجاملة يعنى.. اكتر رسمتين عجبونى هم الفازة اللى فيها زهور بالقلم الرصاص والمنظر الطبيعى اللى فوقها.
استمرى يا قمر وورينا لوحات ليكي تانى.

(Joudy) يقول...

عليه أفضل الصلاة وأذكى السلام........

هايلة هايلة هايلة هايلة قولت كام هايلة أنا بردو مش كتير بجد تحفة فنية فكرتينى بالذكريات كان عندى قلم وكراسة بصراحة واحشنى مووووت بس بينى وبينك أنا غبت عنهم سنين بس ناوية أرجع لهم وكلام فى سرك أنا ناويه لهم على نيه ناويه أصلح كل اللى اتكسر بنا وأرجع الماضى .......

سيبك انتى بس انتى يا جميل الأصل واحنا الصور قمرة يا اخواتى واحنا نجوم حواليها.....

بصراحة مش قادرة أوفيكى حقك اوعى تفتكرى انى بجاملك لا يا حبيبتى أنا ما اتوصاش .....


آه نسيت أنا قول تعليق فين التصفيق الحاد....

دمتى بكل ود وخير وسعادة وراحة بال

(Joudy) يقول...

ما طلعتش أول تعليق مش مشكلة حلال على MaNoOoSh خيرها فى غيرها

ايمان روحي يقول...

طبعا انتي عارفه راي من الاول
مبدعه يسوووومه
ياعثل انتي
مش توامي لازم تكوني مبدعه
كلي ثقه مش هيك
هههههههههههه
وانا هغيز الكل
هههههههههههه
لاني لمست الرسمات وشفتهم علي الطبيعه
هههههههههههه
كل شي علي الطبيعه احلي
هههههههههههه
بس دايما حبيبتي سومه متميزه
بتمنالك التوفيق ياتوامي
تحيـــاتي

حنان الشافعي يقول...

جميله يا بسومه
كل رسوماتك حلوه واحلي حاجه نك بترسمي لما بتتضايقي دي حاجه حلوه علي فكره
تعرفي خلتيني افتكر ايام ما كنت برسم والله كنت بعمل حاجات حلوه بس بقي القدر
يلا خلي بالك من موهبتك ونميها
مالي بتكلم شبه المامات كده ليه
حلوه الرسومات
:)

شيماء جمال(شيمو القمر) يقول...

ايه الفن ده كله يا قمراية
ده انت طلعتى فنانة واحنا مش واخدين بالنا
أنا مضطرة بعد كده اقولك حضرتك

بجد رسوماتك حلوة قوى وبتقول حاجة أصل كنت رسامة سابقا
تحياتى لك
شيمو القمر

احساس طفلة محبة للرومانسية بس واقعية يقول...

حطى صورة وردة واحدة فى البوست
وتلاقينى مخرجش من مدونتك
طريقة رسمك للورد بتعجبنى مشفتهوش مرسوم بالشكل دا قبل كدا

الصور كلها حلوة بس برضو الورد والشموع احلى حاجة عجبتنى
هم والبنوتة اللى مدارية وشها

موهوبة موهوبة بجد ويارب تنمى موهبتك
و اشوفك يا بسومتى فرحانة وفخورة بنفسك مش فى المدرسة بس لا فى الدنيا كلها يا قمر

تقبلى مرورى

mohamed ghalia يقول...

بجد رسوماتك هايلة
ربنا يحفظك ويكرمك

الشاعر الحزين يقول...

بسم الله ما شاء الله

بجد بجد فنانه

أيوه متستغربيش أنا بقولك فنانه يبقى فنانه

برده مستغربه

يا بنتى ما تستغربيش والله العظيم فنانه بجد

وبجد تسلم ايدك

على فكره أنا أخويا برده كان هاوى الرسم وكان بجد ما شاء الله عليه رسوماته كانت جميله قوى لكن من يوم ما راح الجيش وهو أهمل فى الرسم

لكن أنتى بجد والله فنانه هايله
تسلم ايدك


بس وأنا بقرأ البوست عجبتنى جمله قوى وضحكت كتير قوى عليها وهى

تلقيت كماً من القرص في وجنتاي لا حصر له أيضا

ههههههههههههههههه

دمتى بالخير يا فنانه

MǿиY El-Shreef يقول...

اولا مبروووووك ياستي النيولوك

وثانيا ماشاء الله رسمك جميل اوي يا بسووم

عجبتني البنت الي لابسه لثمه

شكلها شبهي بالظبط بالظبط بس انا مش ببين شعري :D

اه كمان حاجه خلتني كده @_@

يعني بوقي مفتوح وببص بازبهلال النماذج بتاعت الكتب

بجد تحفه يا بسمه

تسلم ايدك

اه والفازه الصغننه الي بالفلين كمان جميييييييييله اووووي

تسلم ايدك يامبدعه :)

عاشقة الأحزان يقول...

السلام عليكم
ايه يا بسومه الابداع ده كلها عسل والله عسل
ربنا يوفقك
ومزيد من التوفيق ليكى
ولدارستك
تقبل تحياتى
إيناس

ghorBty يقول...

السلام عليكم

ما شاء الله يسلم ايديك يا بسوم

بجد موهوبه استمري ربنا يوفقك يارب


دمت بكل خير

امـنــيــتــي يقول...

ربنا يوفقك ويهنيكي

رسماتك مبدعه وجميله

ربنا يحقق امانيكي ويفرحك

تحياتي

احمد

لجين أبو الدهب يقول...

بسومة العسولة اللى واحشانى موت ..

وواخدين اسبوع اجازة اهو هيصوا براحتكم ..

ورسوماتك بجد جميلة جدا وهاتشجعنى انزل رسوماتى انا كمان فى بوست ..

بس كل الرسومات رسمها فى جوزى D:

يالا كل ما ترسمى حاجة وريهالنا ..

دمتِ بخير ..

zainab يقول...

حبيبة قلبى بوسى

ياااااااااااااااه يا بوسى من زمان مادخلتش هنا

وحشتينى و وحشنى فنك يا بيكاسو

بجد يا بوسى الرسومات جميله قوى

بحب رسمك قوى قوى

بحبك فى الله

تحياتى

حارة سد يقول...

فضلا عن تعصبي الشديد للغة العربية إلا أن اسلوبك ببساطتة وسرده الخالي من التكلف أحيانا يكن مطلوبا خاصة في سرد بعض المواضيع

دمتي متالقة

الحارة سد

ادم المصرى يقول...

على فكره انا خريج فنون جميله

ولما شفت ابداعك اجمل من الى فى الفنون الجميله

اصل الاحساس والابداع دى بتكون هبه من عند الله بجد مشاء الله عليكى ربنا يزيدك ويحقق امنيكى

المعتصم يقول...

بسم الله الرحمن الرحيم
السلام عليكم ورحمة الله وبركاته
بسمه هانم
وزيرة السكافه فى حلفنا العظيم
تحياتى
كنت ناوى اقول كويس وجميل وهايل
بس انتى عارفانى انا تبع الجماعه بتوع المعارضه
وبما ان الكل هنا بيقول ان الرسومات حلوة
يبقى انا مش هقول كده
هه انا حر
.........
ايه كمية الغرور دى كلها جبتيها منين؟
وقال ايه جينيس يعنى عبقريه مااحنا عارفين
والا يطلع مين بيكاسو ده ؟؟؟؟؟؟؟؟؟
وبعدين فرحانه قوووى انك قعدتى اسبوعين سايبه المذاكرة وبترسمى ؟؟ لما نشوف فى اخر السنه هتعملى ايه وابقى خلى الرسم ينفعك
ههههههههههههههههههههههههههههههههه
متهيألى كفايه عليكى نكد
هههههههههههههههههههههههههههههههه
تقبلى مرورى وتحياتى
ودمتِ بكل خير وود
والسلام عليكم ورحمة الله وبركاته

دينا حامد يقول...

برافو عليكي يابسمة يارافعه راسنا
مع انك موتيني من الضحك والله
بالنسبة للبت اللي ضايقتك كبري لها هما كدة اعداء النجاح :D

رسوماتك جميلة جدا ووالله يابسمة
برافو تاني


تحياتي

*بسمة انور* يقول...

ايه ده يا نصى
ايه الجمال دة كله

لا بجد رووووووووعه ماشاء الله عليك

وكمان بترسمى على حيط المدرسة دة ايه الجمال دة ...... لا ومش عاجبهم كمان
لازم اشوف حل للموضوع ده
ههههههههههههههههه

وحشتييييييييييينى اوووووووووى يابت انتى

بحبك

سلاموووز

د. ياسر عمر عبد الفتاح يقول...

جميل إن حد يبقي عنده موهبة
والأجمل إنه يستغلها صح وينميها
الموهبة عاملة زي ضرع اللبن .. لو لم يُحلب هيجف.
انا عارف تشبيه فلاحي شوية
لكن هوه صح جداً

رسوماتك جميلة
ربنا يوفقك

Bant El7ag Dracula يقول...

حلوووووووووو

عجبتنى اكتر واحد

الاا لبسه برقع

احساس نفس هادئه يقول...

اللهم صلي وسلم على سيدنا محمد
ماشاء الله تبارك الله
رغم سنك انت كلك ابداع ومواهب رائعه
ومدنتك بدون اي مجاملات والله اروع ما رايت وجدت فيها كل الاحلام الورديه الجميله سرني مرورك وتعليقك في مدونتي
حفظك الله يا بسمه مع تحيات نفس هادئه

عاشقه الرومانسيه يقول...

حلوه روسوماتك يابسومه
تسلم ايدك
بس هى فيه مدرسه اسمها حصه؟
ولا دى تريقه منك؟

ranim يقول...

واوووووووووو ايه يعم الحلوه دي بجدتحفه تحفه حفه


تحياتي مبتسمة دائما

king of shy يقول...

اللهم صللى وسلم وبارك عليك يا سيد ولد آدم يا رسول الله .
بجد باقل الامكنايات ممكن تبدع ومش ترفض اى فكرة حد يرشحهالك ممكن تبقى كويسه . يعنى لازم تكون مرن . وفى النهاية طلعت رسمتك جميلة . ومش تعملى حاجه تحت ضغط .
تقبلى مرورى ودمتم بخير