BLOGGER TEMPLATES AND TWITTER BACKGROUNDS »

بوسي

5/04/2009

..~~صغيـــرتي الكبـــرى~~..

..~~**صغيـــرتي الكبـــــرى**~~..


لؤلؤة أســـــراري أنتِ
رفيقة دربي كنت وما زلتِ
منبع للإخلاص أنتِ
...
يافراشةً تقف علــى وردة حياتي
ياشمعة تنير لي ظلماتي
يامن شاركتني كل ذكرياتي
منبع الطيبة أنت في صحراء حياتي
...
نخلة أنت كلما رميتك بأحجار قسوتي طرحتي لي ثمار رحمتك
كم نسجت لي خيوطاً من الأمل
دائماً ما تدفعيني للعمل وترك الكسل
...
قلبك مسكني الدافيء حين أبرد في ليالي الصقيع الخاوية
دائماً ما تنصحيني كي لا أقع في الهاوية
...
دمــي أنت..و..دمــك أنـا
نقطة بدايتنا واحدة
فكيف لا تكوني
لحمي ودمي
يــا شقيقة روحـــي
يـــــــــــــا
أختي الصغرى


ـــــــــــــــــــــــــــــــــــــــــــــــــ

إهداء لروح قلبي شوشو هانم "الشمقمق"

أختي حبيبتي ربنا يخلينا لبعض يارب وميحرمناش من بعض

وتبطلي غلاسه عليا ياشيماء

آمين يارب
الخاطرة دي كانت البوست التالت في مدونتي كتبتهالها في يوم ميلادها
مكنش حد لسا بيدخل مدونتي
فحبيت انشرها تاني عشان آخد رأيكوا
طلب:ياريت لو تفضلتم وقرأتم قصتي اللي كتبتها في العدد السادس في مجلة رؤية مصرية
اضغط على الاسم وسيبلي تعليق

ألقــــــــاكم أحبتي

33 التعليقات:

د. ياسر عمر عبد الفتاح يقول...

جميلة جداً
إيه المواهب دي كلها
إقرأي شعر كثيييير
وحاولي تحسي بالنغمة وإنتي بتقرأي
وكمان وإنتي بتكبي
وإن شاء الله الموهبة هتتطور أكثر وأكثر

كمان فكرتها حلوة
هوه ليه في إخوات بيحبوا بعض للدرجة دي؟

احساس طفلة محبة للرومانسية بس واقعية يقول...

منبع الطيبة أنت في صحراء حياتي

الله عليك ربنا يديم عليكم الاحساس بالحب والتواصل والصداقة

احساسك عالى و ظاهر اوى فى الكلمات
ربنا يخليكم لبعض
تقبلى مرورى

(Joudy) يقول...

حلو احساس الأخوة ده وأنا بجد لمسته لما اتعرفت اكتر عليكوا بجد انتم ونعم الأخوات ربنا يخليكوا لبعض ويحفظكوا يارب وما يحرمكم من بعض أبدا أبدا

كيــــــــــــارا يقول...

ربنا يديم ودكم وحبكم

وحتووووووووني انتو الاتنين

بـسـمـــة صـــــلاح يقول...

د. يــاسر مبروك عليك التعليق الأول
ليك هدية عندي أي حد يلحق عندي التعليق الأول ليه هديه

موهبتي دي ولا حاجه جنب موهبة حضرتك

ان شاء الله هتبع نصيحتك بس اخلص من الثانويه وهمها خلاص دماغي قربت يحصلها حاجه

ويارب فعلا موهبتي تتطور

ومن ناحية في إخوات بيحبوا بعض للدرجادي اه والله
بس بعيد عنك طول النهار لازم نناكف في بعض
وهي استاذة غلاسه ورئيسه قسم
وربنا يعيني على غلاستها

بس بنحب بعض وسر بعض
وكأننا انسان واحد

نورتني يا دكتور

بنجاواتى يقول...

سلام عليكم

ربنا يخلى لك صديقتك ويديم الود بينكم دايما

الصداقة من اجمل احاسيس الحياة

حافظى على هذا الشعور -يعنى ممكن تفوتى شوية غلاسات مش مشكلة اوى-

اول زيارة للمدونة

تقبلى تحياتى

نومستا

بـسـمـــة صـــــلاح يقول...

احساس طفلة محبة للرومانسية:

اهلا اهلا نورت ياباشا

آمين يارب وربنا يسعدك ويخليلك سومه الصغنونه

مرورك زي العسل


ـــــــــ

جـــــودي صبحتي:

آمين يا أوختشي ويخليكي لينا يارب

وميحرمناش منك

ويحققلك كل اللي انتي عيزاه

نورتي المدونه ياجودي

ــــــــ

كيـــــارا العثل:

ازيك يابنتي عامله ايه
آمين يارب
وانتي كمان والله وحشتينا

شرفيني دايما

نورتي

بـسـمـــة صـــــلاح يقول...

بنجاواتي:
اهلا بحضرتك في اول زياره ليك
ويارب متكونش الاخيرة

وعلى فكره دي أختي مش صاحبتي
(:

نورتني بمرورك

عاشقة الأحزان يقول...

السلام عليكم
بسومه حبيبة قلبى
الله على وصفك الجميل ياقمرايه
بجد أنتى جميله قووى وهايله
يارب تدوم الأخوة والمحبه اللهم أمين
دمتى بألف خير
تحياتى
إيناس

MǿиY El-Shreef يقول...

ياسلااااام ع الحب

كل ده انتي واختك

اللهم لاحسد :D

ربنا يخليكوا لبعض ياجميله

ع فكره الكلام جميل اوي والله

شبهك بالظبط ^-*

تسلم اديكي

سلمي عليها

marmar يقول...

ايه الرقه دي كلها يا بسبوووستي
ربنا يخليكي لشوشو الجميله ويزيد من حبكم دايما يارب
ومن ناحيه انها استاذه فأنا عندي دكتورة ورئيسه قسم ولله بس هنعمل ايه
هنصبر بقى اهو دايما كده الاخوات الصغيره مظظظظظظظظظظظظظظظظظظظظظظظظلومه
صحيح انتي الكبيره يبقى انا الظالمه
اااااااه يا ظالمه بطلي تناكفي في شوشو حبيبتي عيب عيب دي نونو البيت
طمنيني عامله ايه في المذاكره يا فشولتي يا عسل
وامتى ناويه تسافري ام الدنيا ونتجيتك امتى وامتى هتبدي امتحانات
سلاموزززز

بـسـمـــة صـــــلاح يقول...

عاشقة الأحزان:

كويسه ياعاشقه ياقمورة
ربنا يخليكي يارب دا بجد من زوءك لانك جميلة شفتيني كددا
امين يارب
نورتي بلوجي

ـــــــــــــــــــــــ

موني الشريف (أم كلثوم):
هههههههههههههههه
على فكره انا سمعت مقطع الصوت وجميله تسلم حنجرتك(:

اه ياختي قري علينا عشان ندب خناقه محترمه
قولي ماشاء الله تبارك الله يابت
هههههههههههههههه
لو اتخانقنا هعرف انه بسبب عينك الجباره
ههههههههههههههههه
بهزر

انتي اللي كميله
ومن ناحيه اني جميله فدي معلومه قديمه
ههههههههههههههههه
ثقه لا حدود لها

ضلمتيني اصدي نورتيني يعني
^_*
ههههههههه

ـــــــــــــــــــ

مرمورتي حبيبتي:

يادي الهنا يادي النور عيني خلاص هتفرقع من النور اللي ضارب فيها

اطفوه بقى الله
هههههههههههههه

ايه الرغي دا يابت وكل دي اسئله كرتيها ورا بعض
طيب بشويش عليا

وعلى فكره شيماء عايشه دور الاخت الكبيرة وانا عامله فيها صغننه
بس والله باخد على راسي
انتي الكبيرة انتي الكبيرة
حاجه متعبه ياشيخه
وبعدين لما اكتشفتي انك انتي وشيماء من حزب واحد
طلعتيني ظاااااااالمه
واااااااااامدونتاه
طلعوني ظالمه ياناااااااااااس

اجاوب بقى على امتحان القبول بتاعك دا

السؤال الاول:
الاجابه
المذاكره هباب والنفسيه ربنا اللي عالم بيها والأبلوات مطلعين رووووووووووح روح روح روحي

السؤال التاني:
الاجابه
ناويين نسافر بعد ما اخلص امتحان القدرات اللي طالع جديد
واخلص ورقي
فيمكن نمشي في اخر شهر 7 والله اعلم بصراحة ربنا معرفش اي حاجه متسألنيش

السؤال التالت
الاجابه
امتحاناتي لسا في في اخر شهر 6 وااااااااااااااااااااء
أما النتيجه فمعرفش

انتهت الاسئله وبحمد الله

ادعيلي يا اوختشي انا جالي ضغط وسكر وملح وباميه
ههههههههههههههه

كفايه رغي بقى
انا اساسا محرومه من النت

نورتي ياروح قلب الذئبه الكبننه

اقولك ياستي

مصعب صلاح يقول...

السلام عليكم
ازاي حضرتك
أولا شكرا ع الزيارة وباذن الله هحاول اصورها أصل احنا في بلدين مختلفين فمش عارف اشوفها وبعدين فيه امتحانات
المهم
كلمات جميلة وربنا يخليكوا لبعض

mohamed ghalia يقول...

ربنا يحفظكم ويسعدكم دايما
كلماتك كلها إحساس

عاشقه الرومانسيه يقول...

ربنا يبارك لك فيها
ويخليكم لبعض

مسدس صغير يقول...

طبعا حلوة
وجميلة
ربنا يخليكو لبعض
بوست رائع احييكى عليه

ادم المصرى يقول...

لا بجد

مش ممكن على احساسك يا بسمه

انتى غريبه فى احساسك لئنى انسجمت جامد جدا فى كلامك وحسيت انى دخلت جواه


مش ممكن على احساسك الجميل

ورومانسيتك البسيطه فى تعبيرك

ربنا يزيدك

لجين أبو الدهب يقول...

ماشاء الله ..

جميلة اوى يابسومة ورقيقة زيك تمام ..

ربنا يخليكوا لبعض وما يحرمكوا من بعض ابدا ..

ويحفظكم من العين ..

دمتِ بخير انتى وشوشو ..

*بسمة انور* يقول...

جميله اوى يا بسمتى

يارب يخليكو لبعض دايما ومتتحرموش من بعض


وحشتوووونى

بـسـمـــة صـــــلاح يقول...

مصعب صــــلاح:

امين يارب
شكرا لمرورك ياأستاذ مصعب نورتني
وربنا معاك في امتحاناتك

ـــــــــــــ

mohamed ghalia :

امين يارب ويسعدك يا أستاذ محمد

شرفتني بمرورك

ـــــــــــــ

عاشقة الرومانسية:

اللهم امين
شكرا يادودو على مرورك نورتيني والله

ـــــــــــــ

مسدس صغير:

اهلا بيك يا أستاذ صلاح دي أول زياره ليك يارب متكونش الأخيرة
شكرا دا من ذوق حضرتك

امين يارب
ــــــــــــــ

ادم المصــري:

ربنا يكرمك يا أستاذ آدم كلامك كبير عليا
دا بس من ذوق حضرتك

الحمد لله انها عجبتك
نورتني

ـــــــــــــ

لجين أبو الدهب:

انتي اللي رقيقه يالوجي ياحبيبتي
ربنا يسمع منك يارب

نورتيني وشرفتيني وكترتيني

ـــــــــــــ

بسمـــتي نصي الغالي:

يادي الأنوار اللي هلت علينا
وحشتيني يانصايتي اخبارك ايه يابنتي

فاتحه النت ليه ياهانم فين المذاكرة ها ؟ ها؟
انتي رجعتي البيت ولا ايه؟؟

برن عليكي موبايلك مبيرنش ابدا ربنا يشفيه يارب الموبايل الكحيان دا

ابقي طمنيني عليكي

نورتي الدنيا يا نصي

امـنــيــتــي يقول...

ربنا يفرحك بيها ويجعلكم لبعض امين

ويبعد عنكم ولاد الحرام امين

بـسـمـــة صـــــلاح يقول...

امنيتي :
اهلا بحضرتك
ربنا يسمع منك
نورتني بمرورك

الشاعر الحزين يقول...

لالا دا احنا بقى هنقفل مدوناتنا ونبيع فجل وجرجير على الباب

أيوه ما احنا بعد كلامك ده مش هنعرف نكتب كلام

بجد جميله قوى قوى يا بسومه والله

وبجد تسلم ايدك

ranim يقول...

ايه ياعم الحلوه ديييييييي اسيب البلوج ارجع القي بسمة ابدعت كتير من غيريطيب اسالي عليا ايه ياعم الحلوه دي شكل المدونة تحفه لسة بتفحص

بـسـمـــة صـــــلاح يقول...

الشاعر الحزين :

اه اومال ايه هو انا قليلة

دا انا كبننه وانتوا متعرفونيش

لما تبيعوا قولولي عشان اشمت فيكوا
هههههههههههههههههههههه

لا طبعا انتوا المعلمين
ومنكم نتعلم ببلاش

بجد رفعت روحي المعنويه لفوق اوي

نورتني بمرورك يا أستاذ علاء الدين

تحياتي لك

norahaty يقول...

السلام عليكم ورحمة
الله تعالى وبركاته
يابسومووة يانعووومة
ربنا يخليكم لبعض
وما تتحرموا
من بعض ابداً

norahaty يقول...

وتنجحوا وتاخدوا
ثانوية عاااااامة
بمجموووووو كبيرررر
اوى يبقى المحصححين مش
عارفيين يحطوا النمر
من كتر المجموع الهايل

norahaty يقول...

عجبيتنى القصيدة اوى
وعجبنى الكلام اللى فيها
فعلا تحس بأن اللى كتبها
قلب محب للانسان اللى كُتبت له.
ربنا يخليكوا لبعض ويخليكى والديكم
وما تتفرق الاسرة الجميلة دى ابداًًًًًًًًًًً

بـسـمـــة صـــــلاح يقول...

ranim :
رنومه العسوله

ازيك يارورو
انتي اللي حلوة وسكورة
وحقك عليا ياستي انا غلطانه
وان شاء الله اخلص الثانويه الهباب دي
وافضالكوا بقى واعلق على راحتي ومزعلش اي حد مني

ومبسوطه ان النيو لوك بتاع المدونه عجبك

وميرسي ع التغليقات اللي علقتهالي في المواضيع التانيه

نورتي ياصغننه(:
ـــــــــــــــــــــــــ

norahaty :
وعليكم السلام يادكتورة ياعسوله
المدونه نورت يادكتورة
فينك من زمان ياستي

ربنا يخليكي ويحقق دعاويكي يارب
اللهم امين
ادعيلي كتير بقى
وكويس ان الكلام عجبك

بهتم برايك

نورتيني متقطعيش تاني بقى


تحيــــــــــــــاتي

بســــومة(:

حارة سد يقول...

أكثر ما يلفت نظري في ذاك الاسلوب هو بساسطته البحته وروتقه الجذاب لخلوه من التكلف..رائع ما خطت اناملك..استمري في ذلك..سيكون لكي قلم متميز

دمتي بابداع

الحارة سد

د. ياسر عمر عبد الفتاح يقول...

علي فكرة أنا جي أقلك إني كتبت أنفلونزا الصراصير
وهيه موجودة عندي علي المدونة مش علي مجلة رؤية لأني كتبتها متأخر
وطبعاً نوهت إنك صاحبة الفكرة دي
يارب أكون كتبتها كويس وتعجبك

بـسـمـــة صـــــلاح يقول...

حارة سد:
بجد كلام حضرتك رفع من معنوياتي اوي
شكرا ليك
ونورتني بمرورك الكريم

ــــــــــــــــ
دكتور ياسر:
تمت زيارتك والتعليق على الموضوع وبجد اكتر من جميل
تسلم ايدك
نورني مرورك
ـــــــ

تحيـــاتي لكما

احلام جوليا يقول...

عزيزتي اسمحي لي ان اقول لك ان كلماتك جميلة جدا ورقيقة مثلك تماما ولكن احب ان اقول ولا تزعلين مني انت بالفعل مازلت طفلة بريئة لم تلوثها الدنيا عمرك 17 وما اجمل هذا اجمل عمر في الدنيا كلها انت طفلة في جسد امراة وهذا الخليط جميل ولكنه رقيق نخاف عليه من جروح الزمن انظر اليك نظره من هي اكبر منك سنا واقول لنفسي بعد عدة سنوات ستكون ابنتي بسنك فهل ستكون برقتك وابداعك كم اتمنى ؟؟؟