BLOGGER TEMPLATES AND TWITTER BACKGROUNDS »

بوسي

4/08/2009

حيـــــاتي..

صعبةٌ هي حيــــــــاتي ..
مؤلمــةٌ هي ذكرياتي ...
أشعر بأنني في سجـــن...
مقيدةٌ هي يــــداي..
حريتي مسلوبة من كل الجهــات..
تضيق جدران سجني .. ويمر الوقت
ها قد اقتربت..
تقترب مني وتقترب كانها تشتاق لإحتضاني
اقتربي .. اقتربي
لم أعد أطيق الحيـــــاة..
هيــا ياجدران سجني ضميني إلــى أحضانك الأربع
ضمة وداعٍ قوية..
حيث تخرج روحــي
فلا مجال لحياةٍ أخـــرى.....
ــــــــــــــــــــــــــ
تلك بضع كلمات خطها قلبي قبل قلمي
في ساعةً كنت قد كرهت الحياة بما فيها
حتى أنــــــــــــا كرهتها
.....

26 التعليقات:

marmar يقول...

يااااااه يا ذئوبتي انتي لسه شوفتي حاجه في الحياه دنتي لسه كتكوته نونو بكره لما تدخلي الجامعه هتعرفي اد ايه ان العالم ده مختلف كليا عن المدرسه هتقابلي ناس تكتشفي انهم ناس متستحقش يكونو بشر وهتعرفي ناس طيبتها طيبه ملايكه بجد عالم مختلف
مينفعش نستسلم في اول طريقنا ونقول لا حيتنا وحشه وصعبه ومؤلمه لازم يكون في عندنا تفاؤل وأمل في بكره وبعدو عشان نعرف نعيش
طمنيني عليكي يا حبيبتي وعلى دراستك والثانويه اللي مش راضيه تخلص دي بقى
لا اله الا الله

المعتصم يقول...

بسم الله الرحمن الرحيم
السلام عليكم ورحمة الله وبركاته
بسمه
وزيرة الثقافه بتعاتنا
تحياتى
كل ده من الثانوية العامه
انا عارف
بس على العموم هانت خلاص
كلها شهرين ونخلص من المشوار دا كله
اتحملى هتعملى ايه قدر ولابد منه
ههههههههههههههههههه
وبعدين كلنا مرينا بحاله زى كده
انما صدقينى بتعدى وكله مع الايام بيهون
قولى يارب
تحياتى ودمتى بكل خير وود
والسلام عليكم ورحمة الله وبركاته

احساس طفلة محبة للرومانسية بس واقعية يقول...

الحمد لله قلتى ساعة كنت
مش حاليا يعنى
مش بعرف اتضايق ولا اعجب بكلمات بتعبر بدقة وحزينة فى نفس الوقت
مشاعرى تحتار بين الابداع ام الحزن اقوى

ربنا يبعد عنك كل حزن يا قمر

كنت عايزة احطلك طريقة اضافة موسيقى والكود بتاعها بس مرضاش يبعت التعليق
:(
تقبلى مرورى

مصعب صلاح يقول...

انت خوفتيني من الثانوية العامة
دا لسه باقول يا هادي
عموما لو سمعتي عن حد انتحر اسمه مصعب
يبقى مش انا
تحياتي

عاشقة الأحزان يقول...

السلام عليكم ورحمة الله وبركاته
ممكن تقبلينى صديقه لمدونتك الجميله يابسومه
وربنا يسعد ايامك
وتنجحى يارب
وبلا نقطة اليأس دى عيشى حياتك
تقبلى إحترامى
وسلالالالالالالالامى

وردة يقول...

ايه الكلام الجامد اوووي ده
لالالا الحياة فيها حاجات تانية اجمل واحلي
اخرجي وخرجي نفسك خارج هذا الاطار
وعيشي حياتك
اصنعي ذكريات جديدة
املئي قلبك بالحب والامل
ربنا يكرمك
ويسعد وقتك
سلام

الشاعر الحزين يقول...

بسمه

لا تنسى أنكى اسمك بسمه

ويكفى الاسم للعمل به

اذكرى ربك واعلمى أنه هو القادر على تحريرك من قيودك

هو وحده القادر على كل شئ

يمكن ده ابتلاء من ربنا

يبقى لازم تصبرى عشان تفوزى بالاختبار ده

ودعواتى القلبيه لكى
بأن يحررك الله من قيودك
ويهديك الى الخير والحب
ويغفر لكى ذنوبك
ويقيكى شر الفتن

ويحليكى بالصبر

اصبرى فإن الله يحب الصابرين

تحياتى ودعواتى لكى

*بسمة انور* يقول...

ليه يا نصى
ليه الحزن دة
لا يا بسمتى وبعدين وهو يبقى حزن وفى .... فهمانى طببعا
فكك يابت


بحب جدااااكتير اوى خالص مالص

MǿиY El-Shreef يقول...

ياااه يا بسمه حتى انتي

يابنتي مافيش حاجه تستاهل اصلا

اوعي ترجعي للفتره دي تاني ياجميله

ركزي بس انتي ف مستقبلك

ختقابلك حجات كتير كده بس لازم تبقي عارفه انك اقوى وماتسبيش حاجه تسيطر ع مشاعرك

خدي بالك من نفسك يا بسومه

بحبك

mohamed ghalia يقول...

يانهار ايه كمية الكأبة دى
ربنا يسعدك دايما ومفيش حزن تانى إن شاء الله

blue-wave يقول...

لا يجب ان نترك انفسنا لهذا الكرة للحياة
يجب ان نقف مع انفسنا
ونرى اين نحن منها
ثم نغيرها تماما
تحياتى

دينا حامد يقول...

شوفي يابنتي
اصعب طريق هو طريق الدنيا
الحياة فيها الحلو وفيها المرررر
هتشوفي فيها العجب بس المهم ماتستسلميش
الدنيا ياما هتديكي اختبارات وياما هتشوفي فيها
بس المهم وبجد مهما عملت فيكي تفضلي قوية وتطلعي لها لسانك :D

بـسـمـــة صـــــلاح يقول...

الووووووووووووووو

دينا حامد يقول...

تخلف
داخله تقولي الوووووووو
طيب ايه رايك مفيش حد هيرد عليكي ولا هيعبرك :-p

بـسـمـــة صـــــلاح يقول...

السلام عليكم
مرمر حبيبتي:
الدنيا سجن المؤمن
الدنيا مش دار قرار نفسي اسيب الدنيا واروح لعالم الارواح بسلام واكون من اهل الجنه مش عايزة اعيش اكتر من كدا مش عايزة اشوف اي عقبات ولا احزان ولا كئابه
ربنا يحسن خاتمتنا ياحبيبتي يارب
وانا الحمد لله في المذاكرة اديني ماشيه وربنا يستر بجد
ادعيلي كتيرات كتيرة اوي
نورتي ياململتي
ـــــــــــــــــــــ
استاذ معتصم:
اولا دخت عشان ادخل مدونتك ومفيش امل حضرتك عاملها لناش معينين وانا مش قادرة ادخلها هو احنا مش اصحاب للمدونه ولا ايه؟؟؟
وربنا يعدي الثانويه على خير وميكونش في ازمة نقص في الدرجات
وانا شفت البوست بتاع حضرتك قبل ماتقفل المدونه
خلاص بقيت وزيرة الثقافه
احم احم
محدش ليه كلمه عليا
هههههه
جزاك الله خير على مرورك
ـــــــــــــــــــــــ

طفله رومانسية:
هي كدا لازم يجي وقت نكد للواحد ويعدي
بس مش عارفه ليه بيرجع بسرعه ليه
شكله بيحبني اوي
ومش قادر على فراقي
ههههههههههههههه
امين يارب وانت كمان وكل الناس
شكرا على محاولة مساعدتك ليا
ممكن تسيبيلي ايميلك واحنا نتكلم كأصحاب بعدين نبقى نشوف حكاية الأنشودة اللي مغلباني دي
نورتيني ياعسوله
ــــــــــــــــــــ
مصعب الفيلسوف:
اهلا بيك يامصعب نورتني والله
عايزاك تحلل شخصيتي ونشوف بقى هيكون تحليلك صح ولا ايه في تاج انا مجاوبه عليه ابقى شوفه بقى
وربنا يعينك لسا مشوارك طويل ومتعب
انا مش بخوفك على فكرة خالص مالص انا بس برعبك
هههههههههههه
نورت يامصعب
ـــــــــــــــ
عاشقة الأحزان:
اقبلك طبعا اهلا وسهلا بيكي عندي في اي وقت
وبعدين فكرتيني باللي يقول للناس متعملوش وهو يعمل
يابنتي بتنصحيني وانتي اسمك منيل خالص
في حد يعشق الاحزان طب دا حرام عليكي حتى
بقولك ايه انا هبعتلك احزاني بما انك بتعشقي ههههههههههههههههههه
ابقي قوليلي فين بيتكوا عشان ابعتهوملك ههههههه
نورتيني باعسوله

شيماء جمال يقول...

بسمة العثولة
كلامك حلو قوى ودمك خفيف
يمكن ده اول مرة ادخل عندك
بس باذن الله مش الاخيرة
كلامك فى هذه الخاطرة صعب قوى
كلنا بنمر بلحظات ضعف بس بادينا منخلهاش تطول
انا ممكن اساعدك فى ازاى تنزلى موسيقى او اغنية على المدونة
خدى ايميلى من بسمة انور وكلمينى وانا اوريكى ازاى

تحياتى
شيمو القمر

norahaty يقول...

السلام عليكم ورحمة
الله تعالى وبركاته
ايه الكلام الصعب ده
يابسووووووووووووووم
ده اسمك بس يجيب التفاؤل
كله:) يلا بلاش دلع بنات
سكرات قومى اغسلى وشششك
وسرحى شعرك وحطى الايشارب
وتعالى شوفى ابلة الدكتورة
(انا لو مش واخدة بالك)
حليت التاج اللى انتى بعتيه
لى ازاى.اووووووووم انتى لسه هنا
انامنتظررررررررررراكى على نار.

norahaty يقول...

تسمحى لى اوجه كلمة
لولد عمُنا المعتصم
يابسووووووووووم
هو حضرتك جافل
المدونة ليه ياريس؟
نرجو الافادة بسرعة:)

معتز شاهين - باحث تربوي يقول...

عجبا لحالنا مع تلك الدنيا
هل هي التي أتعبتنا
أم نحن الذين أتعبنها
والله ما أنا عارف
وعلى رأي بلال فضل
هي سيناء ولا سونيا
الله ينور بس برده الدنيا لسه فيها حاجات حلوة
ويبقى التواصل

شباك موارب يقول...

بسومه
انا مش زعلانه ياعمري ولا حاجه
بالعكس لما تعوزي انك عايزه تكتبي تعليق في اي وقت براحتك جدا
اتمنى لكي كل التوفيق والنجاح
وان شاء الله تبقي احسن مننا كلنا
انتي عسوله خالص


منار فايد

لجين أبو الدهب يقول...

ليه كده يابسومة .. :(

انتى اسمك بسمة ..

يعينى على طول تفضلى مبتسمة انتى فاهمة ؟؟

بجد الكلمات حزينة اوى ..

ما تكتبيش حاجة حزينة تانى ..

بحبك جدااا

رئـيس التحـرير يقول...

لا لا لا مش كده خالص
أولا كرهت الحياة وكرهت نفسي ده كلام حرام
ثانيا فين الأمل الي المفروض الإنسان المسلم يعيش بيه
بلاش اليأس والغحباط ده حتى ولو حياتك مليانة آلام بلاش الطريقة دي
ربنا سبحانه وتعالى بيقول ومن أعرض عن ذكري فإن له معيشة ضنكا أنا مبقولش ان حضرتك مش بتذكري ربنا أو مقصرة في الطاعة لا سمح الله لكن كلنا مليانين ذنوب ومعاصي ولو كانت حجات صغيرة ممكن الواحد يكون على لسانة شتيمة معينه مثلا مش واخد باله منها وتكون هيا دي سبب وجعه وتعبه لإنها أول عن آخر معصية
نراجع نفسنا بالعقل اه نستغفر اه
لكن نكره نفسنا لا لإن ده حرام
ياريت تقبلي نصيحيتي
كاتب مصري

ادم المصرى يقول...

ان شاء الله تعدى بخير وميكون فى اشياء مثل هذه الاشياء مره اخره وأرجو ذالك

وبجد وحشتنى مدونتك جدا

حارة سد يقول...

أول زيارة لمدونتك ولكن عفوا..اسمحي لي بالاختلاف

ليس من حقنا أن نكره الحياة كما تتصورين..الحياة نحن من نتحكم بها لا هي من تتحكم فينا..كل شيء فيها ميسر لنا ونحن من نديرها..كيف لا ومعنا بارئها وبارئنا

انفضي عنكي نغمة الحزن تلك

هذا لا يمنع أن اسلوبك رائع وما خطه قلبك أروع..عظيم هو احساسك وبارع هو ما جاد به وجدانك

تحياتي ودمتي متألقة

الحارة سد

حازم سويلم يقول...

ألف سلامة عليكى
مازلت فى اول الطريق وتيأسى بهذه السرعة, هونى عليكى

الحياة ليست كلها خير أو شر, والعاقل من اتعظ بشرها, وتمتع وأمن بخيرها

تحياتى يا بسمة

MaNoOoSh يقول...

يمكن ضغط المذاكرة هو اللى ضاغط على أعصابك
بس ان شاء الله هتفرج وتعدى الامتحانات على خير وتعملى كل اللى نفسك فيه
وان شاء الله تدخلى الكلية اللى نفسك فيها يا قمر