BLOGGER TEMPLATES AND TWITTER BACKGROUNDS »

بوسي

7/07/2009

أنــا وأبــي والقمــــر

أنـــا وأبـــــي والقمــــر




في لحظة شعرت فيها بالاختناق .. وسكاكين حادة تقطع قلبي أشلاءً دون رحمة
تبحث عن موضع الألم فتطعن فيه.. وددت لو أصرخ فلا يسمعني أحد ..
لم أُرِد لضعفي وانكساري أن يُفضحا .. فهربت لسطح بيتنا بعد أن أعددت الكابيتشينو الذي أدمن شربه يوميا ..
أخبرتني حاستي السادســة التي انعم الله بها عليّ أن أبــي سيصعد لي
رغم أنـــه لا يصعد للسطح كثيرا ولكن هي حــاستي..
صعدت درجات السلم وأنا أترنح وأرى ألــوان كل ما أقابله ممزوجة فصحتي ليست بجيده .. حسبت أن قدمي ستزل وتنتهي حياتي بوقوعي..
ولكني وصلت إلــى باب السطح بسلام..
ظننت أن الظلام يعم المكان ولكن ما أن فتحت الباب حتى رأيت ضــوء القمــر ينير المكــان
والهـــواء شديد بــارد ومنعش
انتابني شعور بالسعادة حينما أبصرت قمــري وكأنما رأيت سعادتي فيه ..
لم أعر نضافة ملابسي اهتماما وجلست على الأرض التي ملئت ترابا ووضعت كوب الكابتشينو بجانبي

نسمات الهواء تعبث بخصلات شعري وتداعب وجهي..

و القمر أمــامي حواليه النجوم تزين عــرشه السوداوي..

وعندما اقتربت دموعي الحارة السجينة من التحرر

حتى سمعت صوت باب السطح الحديدي

ولمحت أحدهم طويل القامة قادم نوحي .. فإذ به والدي الحبيب ..

أنـــا: بابا والله العظيم كنت حاسة إنك هتطلع..

بـابـا: اشمعنى يعني؟؟

أنــا: مش عارفه مجرد احساس..

بــابــا: سبحان الله غريبه..

مالك يابــوسي ياحبيبتي قاعده هنا ليه؟؟ بتعيطي؟؟ مين مزعلك؟؟

أنا: بابا لا مش بعيط شوف القمر جميل ازاي..

بــابـا: هو انهرده ايه ؟؟ القمر كامل يعني..

أنــا: والله مش عارفه يمكن 10 هجري..

اقترب مني وجلس مستندا بظهره على ظهري واسند رأسه على رأسي ..

أنــا: بابا اقعد جنبي عشان تشوف القمر منظره روعه أوي..

بــابــا: كفاية ساند على ظهر القمر..

حقا أحسست وقتها بسعادة غامرة لا أستطيع أن أصفها .. أعتدل أبــي الحبيب وتكلم معي
ينصحني ويواسي حزني الذي لا يعلم مصدره.. ويشعرني بالأمان ليزيل خــوفي
برفع معنوياتي وثقتي في نفسي ويسألني هل من شيء أثرعليّ لأفقد ثقتي ..
أخبــرني أننــي لست فتاة عاديــة بل ذكية وأملك ما لا يملكه أي أحد
قال لي: حبيبتي لا أجاملك ولا أريد أن اشجعكِ بكلام اصطنعه ولكن حبيبتي تلك الحقيقة صدقيني.. ولكـــــن ثقي بنفسك
واجعلي الله أمامك في كل شيء..
وما أن انتهى والدي من حديثه حتى سمعنا صوت المنادي ينادي لصلاة العشاء
فستأذن مني وقبّلني وغادر تاركا معي أحلى لحظات.. وشعورعالٍ بالثقة في الذات..
نظــرت إلــى القمـــر واستطاعت دمـــوعي أن تتحرر من أســرها بغزارة لم أتوقعها..
وحين قررت النزول لأصلــي العشاء
انتبهت إلــى كوب الكابيتشينو المسكين فأمسكت به أفكر هل أشربه ..أم أن التراب الذي أصابه بسبب الهواء سيمنعني..
ولكني وجدت نفسي أشرب ولا أبــالي..
نــزلت درجات السلم وأنا أشعــر أني أصعد درجات العلى
ورسمت في ذاكرتي صورتي أنا وأبـــي والقمــر صورة لن يمحوها الزمن..
ــــــــــــــــــــــــــــــــــ
خاطرة من خواطر قلبي ما كان لي أن تمر علي تلك اللحظات ولا أسجلها في أيامي التي تمضي هنا..
........
بــــابـــا أنـــا بحبـــــــــــك أوووووووووووووووووي
متشكش في الكلمـــه دي أبـــداً

ـــــــــــــــــــــــ

ملحوظة: يا جماعة أنا إن شاء الله هسافر بكره للبلد اللي همتحن فيها امتحان القدرات

همتحن الخميس الصبح

دعواتكم ليا بالتوفيق والتيسير..

ألقـــاكـــم أحبتي في اللــه

تحيـــ بسومةـــاتي(:

26 التعليقات:

(Joudy) يقول...

بجد جميلة يا بسمة ربنا يخليلك باباكى ويخليكى ليه وما يحرمكوا من بعض أبدا بجد يا بسمة حسيت ان ده بابا زى اللى كان بيعمله معايا بجد حقيقى ربنا يفرح قلبك ويسعدك يارب ويعدى امتحانك على خير يارب

eyad يقول...

بسمة ...
ان شاء الله ربنا هيكرمك وهتتوفقي في الامتحان

دمتي بخير حال
ولكي مني وافر الاحترام والتقدير

mohamed ghalia يقول...

جميلة أوى الخاطرة دى
ربنا يسعدك دايما
بالتوفيق فى الإمتحان

عاشقة الأحزان يقول...

السلام عليكم

بسمه حبيبتى بجد وحشتينى قوووى

وانا متشكره ليكى على رسالتك ليا على الموبايل وفرحانه قووى إنك أفتكرتينى وانا مسافره وهفضل محتفظه بالرساله والرقم من أختى الصغيره حبيبة قلبى بسومه
وسجلت رقم التليفون عندى حبيبتى عشان ابقا اطمن عليكى

نيجى بقا للموضوع المهم
مالك حبيبتى فى ايه هو بابا يقدر يزعل من قلبه بسمه الجميله
ربنا يخليه يارب ويحميه ليكم
وربنا يسعدك ويفرحك ويبعد عنك اى شر حبيبتى وان شاء الله ادعليك من كل قلبى واشوفك انتى وايمان على خير فى القريب العاجل
وبجد بحبكم قوووى
يارب يسعدك اللهم امين
ومنتظراكى حبيبتى
بوسه وحضن كبير
امووووووووووووووووووووه

عاشقة الأحزان يقول...

حبيبتى

خلى بالك من نفسك

وان شاء الله ربنا معاكى

والله العظيم بموت فيكى قووووى

ربنا يوفقك اللهم امين يارب العالمين

امين امين امين

قلبي مملكه وأمي تملكه يقول...

سووووومه كلاماتك رووووعه

والله يخليك عمو زي ماتقول ايمي وهو عمي انا كمان مو عم ايمان بس ^_^

الله لايحرمكم من بعض

والله يوفقك ياااااااااااارب

تقبلي مروري
دمتي بحفظ الرحمن

Hossam يقول...

Hello
بجد يبختك بباباكى وميحرمكيش منه ابدا
الاب شعور رائع كلامة سواء بالغزل او الحكمة بيبقى حلو اوى وصديقينى محدش بيحس بالحجات دى غير اللى اتحرم منها
ربنا يخليهولك ودايما تفضلى انت واللدك والقمر
تحياتى واتمنى نكون اصدقاء

الشاعر الحزين يقول...

بسومه النعومه

صباح الفل يا ست الكل

ايه بقى الجو ده

أنا متعودتش منك على كده

دا أنتى القمر بيتعلم منك البسمه دا أنتى بسمه عارفه يعنى ايه بسمه

طبعا عارفه

يبقى خلاص بقى انسى الحزن ده

وربنا معاكى يارب فى امتحناتك ويوفقك دايما كده

أنا بعتلك السلام مع شوشو على فكره

ياترى وصل ولا لسه ؟؟؟

صباح الفل يا قمر

MaNoOoSh يقول...

ربنا معاكي فى الامتحان يا بسومة بإذن الله

وربنا يخليلك باباكي دايما ويبارك لكم فى بعض طول العمر يا قمر

صلاح يقول...

بنيتي : رعاك الله وأصلحك، هوني عليك بنيتي فأنت وأترابك أمل الأمة، وأنتن عند الظن الجميل بكن ، ثقي في الله وتوكلي عليه وعيشي حياتك سعيدة بإيمانك وبأهلك وبالمؤمنين ، واجعلي من الألم أملا جديدا

شباك موارب يقول...

بسمه انتي عملتي ايه ياجميل في الامتحانات..
يارب تكون عدت بخير
وربنا يوفقك يارب في امتحان القدرات
نازله مصر امته؟؟؟
ان شاء الله نسمع عنك اخبار كويسه
شدي حيلك يابنوته
وربنا يكرمك دايما يابسومه

fL0weR-giRL يقول...

السلام عليكم
كيفك بسوم
ايه الخانئك بس ياجميل في حد يبقي ف السعوديه ويتخنق امال انا اعمل ايه
ربنا يوفقك يارب وتدخلي الكليه النفسك فيها
والله بحبك جدا مع اني مش عرفاكي شخصيا بس حبيتك
. وسكاكين حادة تقطع قلبي أشلاءً دون رحمة
تبحث عن موضع الألم فتطعن فيه.. وددت لو أصرخ فلا يسمعني أحد ..
بعد الشر علي قلبك يابسومه

وانا كمان مخنوقه وخايفه من النتيجه اوووووووووووووي ربنا يوفقنا كلنا يارب

^_^

yoyo يقول...

صباحك سكر يا بسومة

ربنا يبارك لك فى بابا ومش يحرمكم من بعض ابدا ابدا
احساس الاب ببنته و مشاعرها شئ جميل جدا وخصوصا لو كان حاول ان يرد لها الثقة من تانى فى نفسها
مش تخلى الحزن من تانى يدق بابك
قوى قلبك و ثقى فى نفسك
ربنا يبعد عنك الاحزان يارب

ربنا يوفقك ان شاء الله فى الامتحانات
ركزى على اد ما تقدرى
وان شاء الله تعدى على الف خير
ابقى طمنينا عليكى
دمتى اختى بالف خير و سعادة
تحياتى
يويو

♥..~*شـــوشـــو هـــانــم*~..♥ يقول...

هو القمر بيطلع يوم 10 ههههههه
ياهبله

كميله خالث مالث يابوبوث
وربنا يوفقك تلاقيكي قاعده تعكي دلوقتي
خخخخخخ

سلام مشنكح

اسلام الشربينى يقول...

كفارة من امتحنات الثانوية العامة

وان شاء الله ربنا معاكى فى القدرات


تقبلى مرورى

marmar يقول...

احلى واجمل بووووووووسي في الدنيا
صح لسانك يا حبيبه قلبي عل كلام الجمييييييل ده وربنا يخليلك والدك الطيب اللي جابلي احلى اخت واحلى بنوووته في الدنيا

بباكي طيب ورقيق زي قلبك بالظبط يا حبيبه قلبي انتي

ربنا يوفقك في الامتحان يارب وطمنيني عملتي ايه يا شطوووووووره يلا عايزينك ترفعي راسنا يا جميييييييله
وطمنيني باوفلاينات عشان مش بلاقيكي :@
وحششششششششششششششاني اوي يا حبيبه قلبي وبطلي تدخل من الموب هاااا :@
ادخل نت بقى عادي عاااااااااااا
قوليلي صحيح ايه الامتحان القدرات ده انا بسمع فيه دايما بس عباره عن ايه؟
وامتى النتييييييييييجه
وحششششششششششششششششششششششششششششاني

كيــــــــــــارا يقول...

حنان الاب دا بجد لايمكن الواحد يقدر يستغني عنه ثانيه

ربنا يوفقك في الامتحان ياقمر

امـنــيــتــي يقول...

ربي يوفقك

elsha3er يقول...

السلام عليكم

ربنا يخليلك باباكى

وربنا يكرمك فى الامتحان يارب


تحياتى

احمد الشاعر

akeed يقول...

ربنا يخليلك باباكى و يحفظه من كل سوء فى الحقيقة ديه اول زيارة للمدونة وفعلا كم هى جميلة


تحياتى

عاشقة الأحزان يقول...

وحشتنى


وحشتنى



وحشتنى


وحشتنى



وحشتنى



قوووووووووووووووووووووى

مصعب صلاح يقول...

فينك يا استاذة
--------
الحوار جميل جدا

ربنا يوفقك وتجيبي الـ30%

elsha3er يقول...

فى انتظار جديدك

تحياتى

احمد الشاعر

eng.2at2ota يقول...

اول مره اعلق
اخيرا عرفت ازاي
ههههههههه
المهم بسومتي انا رانيا الغلسه اللي مطفشاكي
طبعا انتي عارفه اني بحب كتاباتك وخواطرك
خلاص بقى كفايه رغي
(((قطعت كلامي مره واحده....والله انا مجنونه)))
سلامووووز

احمد بدر الدين يقول...

السلام عليكم
وبدأت حملة ( مين هيفطر أكتر )
هل ستشاركنا وتأخذ الأجر معنا
هيا اذن لنشمر السواعد ولنعلى الهمم
ولنخلص لله النوايا
الم تسمع قول النبى صلى الله علية وسلم ... عن زيد بن خالد الجهني قال : قال صلى الله عليه وسلم : " مَن فطَّر صائماً كان له مثل أجره غير أنه لا ينقص من أجر الصائم شيء "
أدخل على هذا الرابط وشاركنا
http://3amood.blogspot.com

عاشقه الرومانسيه يقول...

ياااااااااااااااه يابسومه
بقالى كتير جدا مش جيت هنا
انا فعلا مقصره معاكى قوى


البوست ده وجعنى قوى
ونصيحه
بلاش تفوتى فرصه الا وتقربى فيها من بابا
لان محدش بيحس بالنعمه الا اللى اتحرم منها


ربنا يخليه لكى ويبارك لك فى عمره